NHSJobs.com

Trosolwg o'r swydd

Ni yw Academi Gwelliant Cymru ac rydym yn rhan o Gwelliant Cymru, y gwasanaeth gwella ansawdd cenedlaethol ar gyfer GIG Cymru.  Mae dysgu lleol a rhyngwladol yn gymorth i Academi Gwelliant Cymru, gan ddod â modelau cyflenwol newydd o ddulliau gwella i GIG Cymru, ynghyd ag integreiddio cynigion gan gyrff partner yng Nghymru.  Mae hyn yn ehangu ac yn dyfnhau gwyddor gwella, gan ymgorffori diogelwch; llif; meddwl system; lledaeniad a graddfa a newid ymddygiad, pob un wedi'i seilio ar ddull cyd-gynhyrchiol.  Bydd y swydd yn canolbwyntio ar gefnogi'r gwaith o greu cyfleoedd dysgu a chymorth gwella, gan adeiladu ar y sylfeini cadarn sydd eisoes wedi'u sefydlu.   

Rydyn ni'n ymwneud â phobl a gweithio gyda phobl i ddarparu'r wybodaeth a'r sgiliau i wella gwasanaethau.  Beth bynnag fo'ch cefndir proffesiynol, hoffem glywed gennych os ydych yn hyfforddwr arloesol ac angerddol sydd â phrofiad a sgiliau mewn gwella ansawdd ac sy’n meddu ar sgiliau cyfathrebu rhagorol.  Rydym yn gwerthfawrogi amrywiaeth, cynwysoldeb, hyblygrwydd, a pharodrwydd i gydweithio. Os ydych yn chwilfrydig am ddatblygu eraill trwy ddarparu hyfforddiant o ansawdd uchel, yn mwynhau gweithio gyda phobl a cheisio cael y gorau ohonynt, yn gallu meddwl yn greadigol ac yn dymuno gweithio mewn tîm deinamig o gefndiroedd proffesiynol gwahanol, yna byddem wrth ein boddau yn gweld eich cais. Neu, os oes angen i chi ddarganfod mwy, anfonwch e-bost at Matthew drwy: [email protected] 

Prif ddyletswyddau'r swydd

Byddwch yn aelod o dîm Academi Gwelliant Cymru a thrwy ddarparu hyfforddiant Gwella o ansawdd uchel a chymorth pwrpasol, byddwch yn galluogi gwella yn ansawdd a diogelwch gofal ar draws GIG Cymru. Bydd yr Academi Gwelliant Cymru yn dod â'n holl sgiliau datblygu, hyfforddi ac arwain Gwelliant at ei gilydd.  Rydym yn gweithio’n agos gyda’n partneriaid ym meysydd iechyd, gofal cymdeithasol, addysg a phartneriaid gwella ehangach yn y DU i lywio datblygiad ein cwricwla gwella. Mae ein gwaith yn anelu at hwyluso dysgu, ymarfer a chyflawni gwella, gan ddarparu gwreiddiau a chysylltiadau gwella cryf ar draws y system. Drwy ddarparu gwybodaeth a sgiliau ein nod yw helpu i alluogi staff iechyd a gofal i ddarparu'r gwasanaeth gorau posibl i bobl sy'n defnyddio gwasanaethau iechyd a gofal yng Nghymru.

Lleolir y rôl yng Nghaerdydd, ym mhrif swyddfeydd Gwelliant Cymru, neu yn Wrecsam. Mae amodau gwaith presennol yn cefnogi dull cyfunol o weithio yn y swyddfa a gweithio gartref. Ar adegau efallai y bydd eich gwaith yn mynd â chi i wahanol sefydliadau partner ledled Cymru. Rydym yn parchu bod mwy i fywyd na gwaith ac rydym yn cynnig polisi gweithio hyblyg i'ch helpu i gydbwyso eich bywyd cartref a'ch bywyd gwaith. Cynigir y swydd barhaol hon ar sail llawnamser, rhan-amser neu rannu swydd. Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais.

Gweithio i'n sefydliad

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)