NHSJobs.com

Trosolwg o'r swydd

MAE'R SWYDD HON YN SWYDD MAMOLAETH TAN 31/08/2025 AC YN CAEL EI CHYNNIG AR SAIL AIL, YSTYRIR CONTRACT TYMOR PENODOL AR GYFER YMGEISYDD ADDAS.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Rydym yn chwilio am weithiwr cyllid proffesiynol brwdfrydig, cymelledig ac ymroddedig i ymuno â thîm cyllid AaGIC fel Cyfrifydd Rheoli Cynorthwyol. Bydd y rôl yn cynorthwyo'r Partneriaid Busnes Cyllid i ddarparu rheolaeth ariannol ac adroddiadau ariannol i gefnogi cyflawniad blaenoriaethau a deilliannau strategol AaGIC yn y tymor byr a'r tymor hir.

Mae’r swydd hon am gyfnod penodol/secondiad am mis 12 oherwydd cwrdd gofynion y gwasanaeth.

Prif ddyletswyddau'r swydd

Bydd y Cyfrifydd Rheoli Cynorthwyol yn swydd allweddol o fewn y tîm cyllid a bydd yn darparu cefnogaeth ar draws yr adran gyllid ehangach a'r sefydliad, gan weithio i sicrhau bod cyfanrwydd y systemau ariannol yn cael ei gynnal.

Bydd deiliad y swydd yn sicrhau bod gwybodaeth ariannol yn cael ei phrosesu'n amserol, yn gywir ac yn unol â gweithdrefnau i gefnogi adrodd mewnol i uwch reolwyr, Cyfarwyddwyr a Bwrdd AaGIC.

Bydd yn ofynnol hefyd i ddeiliad y swydd ddarparu cefnogaeth i rolau eraill o fewn yr Adran Gyllid ac adrannau eraill yn AaGIC yn ôl yr angen.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?