NHSJobs.com

Trosolwg o'r swydd

Bydd deiliad y swydd yn gyfrifol am ddarparu mewnbwn meddyg ymgynghorol i bobl sy'n cael gofal gan Dîm Iechyd Meddwl Cymunedol Conwy.

Mae'r holl atgyfeiriadau i'r Tîm Cymunedol yn cael eu rheoli gan un pwynt mynediad .  Yn ystod y cyfarfod, penderfynir pwy yw'r person mwyaf priodol yn y gwasanaeth i weld y claf a atgyfeiriwyd.  Mae'r rhai sy'n cymryd rhan yn y cyfarfod yn cynnwys uwch-gynrychiolwyr y tîm gofal sylfaenol ac eilaidd.  Bydd meddyg ymgynghoro yn mynychu bob dydd.

Disgwylir i ddeiliad y swydd gydymffurfio â Mesur Iechyd Meddwl (Cymru) 2010. 

Gall y swydd weithiau ddenu meddyg iau, yn dibynnu ar argaeledd yn y rota hyfforddi. Nid oes mewnbwn gan feddygon arbenigol.

Prif ddyletswyddau'r swydd

deiliad y swydd yn darparu gwasanaethau asesu, trin a rheoli seiciatrig arbenigol i oedolion 18 oed a throsodd sydd ag afiechyd meddwl difrifol a pharhaus yn Conwy.  Bydd deiliad y swydd yn darparu mewnbwn meddygol i gleifion sy'n cael gofal gan y Tîm Iechyd Meddwl Cymunedol Gofal Eilaidd pan fo angen yn ogystal ag ymgynghori â Gwasanaethau Iechyd Meddwl Sylfaenol yn ei ardal dalgylch a'u goruchwylio. 

Bydd y gwasanaeth yn cynnig gwasanaeth a arweinir gan anghenion ac, felly, disgwylir i ddeiliad y swydd reoli'r rhai dros 65 oed hyd at yr adeg pan fydd eu hanghenion yn cael eu diwallu'n fwy priodol gan y Gwasanaethau Iechyd Meddwl i Bobl Hŷn.   (Mae'r trefniadau pontio yn cael eu hadolygu ar hyn o bryd).

Bydd deiliad y swydd wedi'i leoli gyda'r Tîm Iechyd Meddwl Clinigol a bydd yn gweithio gyda rheolwr y sir i sicrhau arweinyddiaeth glinigol ar gyfer y tîm amlddisgyblaethol.  Bydd deiliad y swydd yn helpu i oruchwylio'r tîm yn glinigol. Rhagwelir y bydd deiliad y swydd yn helpu i hyfforddi aelodau'r tîm mewn materion clinigol.

Mae'r gwasanaeth yn gweithredu Model Gofal Acíwt, gyda dau feddyg ymgynghorol cleifion mewnol dynodedig yn rheoli'r cleifion newydd sy'n cael eu derbyn i'r gwasanaeth.  Mae'r meddygon ymgynghorol cleifion mewnol hefyd yn gyfrifol am gleifion y tîm triniaeth yn y cartref.  Bydd deiliad y swydd yn cydweithio â'r Gwasanaethau Gofal Acíwt.  Mae cynllun y swydd yn cynnwys sesiwn benodol ar gyfer ymgynghori â'r Gwasanaeth Gofal Acíwt. 

Gweithio i'n sefydliad

Rydym wrth ein bodd bod gennych chi ddiddordeb mewn ymuno â'r Uwch Adran Iechyd Meddwl ac Anabledd Dysgu.  Pan fyddwch chi'n ymuno â'r Uwch Adran Iechyd Meddwl ac Anabledd Dysgu, gallwch gydbwyso bywyd a gwaith gyda chyfleoedd gweithio hyblyg, gweithio hybrid a gweithio ystwyth ac mae digonedd o gyfleoedd i hyfforddi a datblygu gyrfa.

Mae rhai o'r manteision niferus o ymuno â'r Uwch Adran Iechyd Meddwl ac Anabledd Dysgu yn cynnwys:

• Llesiant, Gwaith a Ni - gwasanaeth sy’n cynnig cymorth ac ymyrraeth i staff ar yr adegau pan fo angen hynny. Mae ansawdd ein rhyngweithio wedi'i wreiddio yn ein llesiant ein hunain – pan fyddwn ni'n iach, gallwn gefnogi ein gilydd a’r bobl sy’n defnyddio ein gwasanaethau, yn well.
• Gwasanaethau sy'n amrywio o sesiynau galw heibio, cwnsela, hyfforddi a champfa ar y safle.
• Goruchwyliaeth Reolaethol a Chlinigol - cyfleoedd rheolaidd i staff gael adborth gan reolwyr, trafod cyfleoedd datblygu a chanolbwyntio ar lesiant yn gyffredinol.
• Gwaith hyblyg sy'n addas i chi a'ch teulu, megis oriau llawn amser, oriau blynyddol, gwaith rhan amser, gwaith yn ystod y tymor, gweithio o bell a gweithio hybrid sy’n caniatáu cydbwysedd gwych rhwng bywyd a gwaith. Dewch i drafod!
• Cefnogaeth i ddatblygu eich gyrfa mewn lle sy'n eich galluogi i gyflawni eich nodau yn y gwaith a thu hwnt.
• Cyfle i gael eich cydnabod am waith gwych trwy ein gwobrau cyrhaeddiad staff