NHSJobs.com

Trosolwg o'r swydd

Pwrpas y swydd hon yw gweithio'n bennaf gydag oedolion ag anableddau dysgu a chefnogi trosglwyddo di-dor rhwng gwasanaethau Plant ac Oedolion ar draws ardal Sir y Fflint.

Bydd gofyn i ddeilydd y swydd weithio o fewn fframwaith Mesur Iechyd Meddwl (Cymru) 2010. 

Weithiau bydd y swydd yn denu meddyg iau, yn dibynnu ar argaeledd yn y rota hyfforddi. 

Prif ddyletswyddau'r swydd

Bydd deilydd y swydd yn derbyn cyfeiriadau gan amrywiaeth o ffynonellau ac yn darparu gwasanaethau asesu, triniaeth a chymorth diagnostig i oedolion sy'n byw yn Sir y Fflint gydag ystod o anabledd dysgu sy'n gysylltiedig ag anhwylder meddwl, ymddygiad heriol, anhwylderau sbectrwm awtistiaeth, dementia, ymddygiad troseddol a anableddau lluosog eraill.

Bydd deilydd y swydd yn datblygu, yn cynnal ac yn cyflwyno'r ymyriadau angenrheidiol yn seiliedig ar dystiolaeth mewn ystod o leoliadau cymunedol i alluogi oedolion ag anabledd dysgu i fyw bywydau boddhaus.

Bydd deilydd y swydd yn cyfrannu at asesu a rheoli risg

Bydd deiliad y swydd yn rhan o'r Tîm Anabledd Dysgu Cymunedol, ac yn darparu arweinyddiaeth glinigol iddo, gan weithio mewn lleoliadau cymunedol a chleifion allanol. 

Bydd deilydd y swydd yn meithrin cysylltiadau a pherthnasoedd da gyda gweithwyr proffesiynol a thimau o fewn BIPBC gan gynnwys gofal cychwynnol yn ogystal ag asiantaethau cysylltiedig allanol fel gwasanaethau cymdeithasol, yr heddlu, y sector gwirfoddol a phreifat.

Bydd deilydd y swydd yn darparu gwasanaethau Ymgynghorol a Swyddog Meddygol Cyfrifol i gleifion a dderbynnir i unedau seiciatryddol acíwt Heddfan ac Ablett o ardal Sir y Fflint. Bydd deilydd y swydd yn gweithio o fewn trefniadau deddfwriaethol Mesur Iechyd Meddwl (Cymru) 2010.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.