NHSJobs.com

Trosolwg o'r swydd

Mae cyfle cyffrous wedi codi i therapydd galwedigaethol niwro i ymuno â’n gwasanaeth therapi galwedigaethol i weithio’n bennaf o fewn amgylchedd cleifion mewnol gyda chleifion allanol.

Rydym yn chwilio am unigolyn sydd â’r awydd i weithio o fewn tîm ysgogol a brwdfrydig sy’n blaenoriaethu darparu gwasanaeth adferiad arbenigol strôc a niwroleg i gleifion mewnol.  Byddwch yn gweithio’n agos gyda’r Therapyddion Galwedigaethol Niwrolegol Arbenigol Clinigol. Bydd hefyd cyfleoedd i ymgysylltu o fewn rhwydwaith o ffisiotherapyddion arbenigol ym maes strôc a niwro ledled Powys. Bydd yr ymgeisydd yn rhan o dîm amlddisgyblaethol sy’n arbenigo yn niwro ledled Powys, gan gynnwys Therapydd Ymgynghorol ar gyfer Strôc a Niwroadsefydlu, sy'n gyfrifol am nodi, datblygu a chyflawni gwelliannau parhaus i wasanaethau yn y Cynlluniau Cyflawni ar gyfer Strôc a Chyflyrau niwrolegol. 

Bydd angen arnoch sgiliau cyfathrebu a threfnu rhagorol, dull gweithio hyblyg a sgiliau trafod er mwyn ysgogi cleifion a staff i ddarparu ansawdd uchel o ofal.
Byddwch yn gweithio’n agos fel rhan o Dîm Amlddisgyblaethol o fewn BIAP a Gwasanaethau cymdeithasol, ar y ward rithwir ac yn cefnogi integreiddio.

Prif ddyletswyddau'r swydd

Bydd deiliad y  swydd yn darparu Gwasanaeth Therapi Galwedigaethol arbenigol o fewn ardal ddynodedig ar gyfer Bwrdd Iechyd Addysgu Powys, sy'n gyfrifol am:

Rheoli llwyth achosion o gleientiaid ag anghenion cymhleth, gan ddefnyddio egwyddorion sy'n seiliedig ar dystiolaeth/sy'n canolbwyntio ar y cleient i asesu, cynllunio, gweithredu a gwerthuso ymyriadau.

Darparu arweinyddiaeth ar gyfer staff iau trwy oruchwylio ac arfarnu.

Cymryd rhan yn y gwaith o gynllunio, datblygu a gwerthuso gwasanaethau Therapi Galwedigaethol o fewn maes/tîm dynodedig, gan ddal cyfrifoldeb am brosiectau diffiniedig.

Cyfrannu at gynnal a datblygu Gwasanaeth Therapi Galwedigaethol Bwrdd Iechyd Addysgu Powys.

Goruchwylio myfyrwyr Therapi Galwedigaethol ar leoliadau ymarfer yn rheolaidd.

Dirprwyo ar gyfer Arweinydd Tîm pan fo angen.

Gweithio'n hyblyg ar draws yr ardal leol a chymryd rhan yn y rota 7 diwrnod i ddiwallu anghenion y gwasanaeth

Cyflenwi mewn meysydd/arbenigeddau eraill fel y bo'n briodol ac o fewn cymwyseddau.

Darparu gwasanaeth hyblyg mewn lleoliadau sydd fwyaf priodol i anghenion y claf, e.e. cartref, ysgol, ysbyty cymunedol neu ganolfan hamdden

Dyrannu gwaith i gefnogi staff, gan fonitro eu sgiliau a'u cymwyseddau bob amser.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor.

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.