NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS OHERWYDD CWRDD GOFYNION Y GWASANAETH .

Bydd deiliad y swydd yn darparu gwasanaeth cymorth clercaidd, gweinyddol ac ysgrifenyddol cynhwysfawr. Mae angen i ddeiliad y swydd weithio’n annibynnol y rhan fwyaf o’r amser ond bydd yn gallu ceisio cyngor lle bo angen. Mae angen i ddeiliad y swydd hefyd allu cyfathrebu a chyfnewid gwybodaeth gymhleth a sensitif ar draws y sefydliad, yn fewnol ac yn allanol, gan ddefnyddio tact a sgiliau perswadio a dangos sgiliau cyfathrebu rhagorol a’r gallu i drin gwybodaeth sensitif a chyfrinachol. 
Bydd deiliad y swydd yn sefydlu cysylltiadau cryf â chydweithwyr ledled y 
Bwrdd Iechyd ac â’r rheini sy’n darparu gwasanaethau i gleifion ym Mhowys a’r tu allan i’r sir. 

Prif ddyletswyddau'r swydd

Rydym yn chwilio am Ysgrifennydd Meddygol i drawsgrifio llythyrau canlyniad clinigau gan yr Ymgynghorydd Gofal wedi’i Gynllunio yn Ysbyty'r Drenewydd. Yna caiff llythyrau eu rhannu a'u cyfeirio at dderbynwyr amrywiol ar draws y Sir neu Ysbytai Cyffredinol Dosbarth cyfagos a meddygon teulu.

Mae'n rhaid bod gennych sgiliau bysellfwrdd datblygedig iawn ac yn gallu gweithio mewn tîm bach; sy’n cydweithio i gwrdd â therfynau amser ac amser dychwelyd gwaith tynn. Dylech feddu ar brofiad o ddefnyddio systemau analog ac arddweud digidol trwy gyfrwng Teipio Sain.

Yn ogystal â'r Teipio Sain, bydd deiliad y swydd yn ymgymryd ag amrywiaeth o swyddogaethau gweinyddol felly mae sgiliau trefnu a rheoli amser yn hanfodol.

Byddwch yn dawel eich meddwl dan bwysau ac yn gallu addasu i newidiadau yn y broses. Mae'r swydd hon am 15 awr, yn gweithio 2 sifft 7.5 awr ar ddydd Mawrth a dydd Gwener 8.30yb i 4.30yh.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch a thim y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG a phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.