NHSJobs.com

Trosolwg o'r swydd

Gwasanaeth i blant rhwng 0 – 18 yw’r Gwasanaeth Niwroddatblygiadol Plant sydd yn gweithio ar draws Awdurdodau Gwynedd a Môn.

Gwasanaeth gyda thîm proffesiynol, aml-ddysgyblaethol o wahanol gefndiroedd sydd yn cynig asesiad cynhwysfawr Niwroddatblygiadol, yr ydym hefyd yn cynnig cefnogaeth a meddyginiaeth i blant a phobol ifanc gyda diagnosis ADHD.

Dylai ymgeiswyr fôd yn ran o broffesiwn cofrestredig fel Nyrs, Gweithiwr Cymdeithasol, Seicolegydd Clinigol, Therapydd Galwedigaethol, Therapydd Iaith a Lleferydd, a bod gyda chofrestriad dilys gyda’r corff proffesiynol hwnnw.  Dylai ymgeiswyr ddangos profiad o weithio gyda plant a phobol ifanc gyda cyflwr Niwroddatblygiadol (ASD/ADHD) a phlant au Teuluoedd.

Bydd hyfforddiant a goruchwyliaeth yn cael eu ddarparu i wneud yn siwr bod yr ymgeisiwr llwyddiannus yn dod yn gyfarwydd gyda’n hoffer asesu a phrosesau bydd yn cael eu defnyddio o fewn y gwasanaeth.

Bydd y gallu i siarad Cymraeg yn ddymunol i’r swydd hon ond bydd croeso i ymgeiswyr Cymraeg a Saesneg ymgeisio am y swydd, byddent yn cael eu trin yn gyfartal.

Prif ddyletswyddau'r swydd

I weithio o fewn gwasanaeth amlddysgyblaethol drwy gwblhau asesiadau niwroddatblygiadol i blant a phobol ifanc.  Cyfrannu yng nghyfarfodydd asesiadau mewnol ac er mwyn datblygu a gwella trosglwyddiad y gwasanaeth.

Darparu cefnogaeth, cyngor ac arweiniad i rieni a gwarcheidwyr plant a phobol ifanc gyda chyflwr Niwroddatblygiadol.

Darparu cefnogaeth glinigol a rheolaethol i  gydweithwyr iau.

Ymgymeriad o godi ymwybyddiaeth hyfforddiant gydag asiantaethau allanol, gwasanaethau mewnol a gweithiwyr proffesiynol fel bod angen.

Gweithio i'n sefydliad

Gweithio mewn tîm amlddisgyblaethol, a staff o asiantaethau eraill, i hyrwyddo a chynnal safonau gofal uchel i blant a phobl ifanc â chyflyrau niwroddatblygiadol. Bydd hyn yn cynnwys cyfrannu at asesiadau diagnostig drwy ymgymryd ag agweddau penodol o'r asesiad fel bo angen, gan ddarparu cefnogaeth i deuluoedd a phobl ifanc drwy ymyriadau a gweithdai grŵp mewn cefnogaeth 1:1 i fodloni canlyniadau cytunedig fel y cytunir gyda theuluoedd.  Bydd disgwyl i ddeilydd y swydd weithio â phlant, eu teuluoedd, gofalwyr, timau staff a gweithwyr proffesiynol eraill, mewn amrywiaeth o leoliadau yn y gymuned.  Yn ogystal â hyn, bydd deilydd y swydd yn darparu cefnogaeth glinigol a rheolaeth i gydweithwyr iau sy'n ymgymryd â gwaith ochr yn ochr â deilydd y swydd, neu ar ei ran.