NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS OHERWYDD CWRDD GOFYNION Y GWASANAETH 

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Rydym yn dymuno recriwtio unigolyn brwdfrydig ac ysgogol a fydd yn darparu cefnogaeth ysgrifenyddol i’r Gwasanaeth Plant a Phobl Ifanc o fewn yr Uwch Adran Blant a Phobl Ifanc, a leolir yn Talarfon, Bangor.

Bydd gan yr ymgeisydd llwyddiannus safon addysg dda, sgiliau cyfathrebu ardderchog a’r gallu i weithio’n unigol a bod yn effeithiol a threfnus o ran y llwyth gwaith. Dylai'r ymgeisydd hefyd feddu ar sgiliau bysellfwrdd ardderchog a phrofiad o Becynnau Microsoft Office. Disgwylir i ddeilydd y swydd ymgymryd ag amrywiaeth o ddyletswyddau o fewn y swyddogaeth.

Rhaid meddu ar arddull dda ar y ffôn. Bydd gofyn i ddeilydd y swydd ddangos agwedd broffesiynol a sensitif a chadw cyfrinachedd bob amser.

Prif ddyletswyddau'r swydd

Bydd y Cefnogwr Gweinyddol GIMPPhI yn darparu gwasanaeth gweinyddol effeithlon a hyblyg i Dim Amlddisgyblaethol GIMPPhI, yn cynnwys y seiciatrydd ymgynghorol.  Bydd hyn yn cynnwys, teipio, rheoli dyddiadur electronig/papur a threfnu apwyntiadau.  Bydd disgwyl hefyd i'r deilydd swydd gynnal dyletswyddau derbynfa.  Yn sgil natur y dyletswyddau, bydd yn ofynnol i ddeilydd y swydd gadw cyfrinachaedd a bydd dysgwyl iddo ddelio a chleifion, gofalwyr, perthnasau, staff meddygol ac ymwelwyr eraill a'r Adran, yn bersonol ac ar bapur, a hynny'n gwrtais a chan ddefnyddio doethineb.  Mae Arweinydd Gweinyddol yn gyffredinol ar gael i gyfeirio ato.

Mae’r gallu siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.