NHSJobs.com

Trosolwg o'r swydd

Mae cyfle cyffrous wedi codi i Dderbynnydd Adran Achosion Brys / Cynorthwyydd Gweinyddol i ymuno â Thîm Gweinyddol y Gyfarwyddiaeth Gofal Brys yn Ysbyty Gwynedd.

Mae hwn y swydd parhaol Band 3, 30 awr yr wythnos.

Yr ymgeisydd llwyddiannus fydd y pwynt cyswllt cyntaf i gleifion, perthnasau ac ymwelwyr i’r Adran Achosion Brys a bydd gofyn dangos agwedd broffesiynol a sensitif a chynnal cyfrinachedd bob amser.

Bydd gennych addysg o safon dda, profiad blaenorol o weithio mewn lleoliad gweinyddol / gwasanaeth cwsmer a sgiliau cyfathrebu ardderchog. Bydd angen i chi allu gweithio fel rhan o dîm a bod yn effeithlon a threfnus gyda’ch llwyth gwaith eich hun.

Byddwch yn gweithio gyda thîm cyfeillgar sy’n darparu amrywiaeth o ddyletswyddau derbynfa a gweinyddol i helpu i sicrhau bod yr Adran Achosion Brys yn rhedeg yn llyfn. Mae Derbynfa’r Adran Achosion Brys ar agor 24 awr y dydd, bob dydd o’r flwyddyn, sy’n cynnwys sifftiau Buan, Hwyr, Nos a gweithiau Gwyliau Banc.

Mae’r gallu i siarad Cymraeg at o leia Level 3 yn hanfodol ar gyfer y swydd hon.

Prif ddyletswyddau'r swydd

Darparu gwasanaeth derbynfa a gweinyddol i'r AAB wrth weithio fel rhan o dîm amlddisgyblaethol i sicrhau bod gwasanaeth effeithiol yn cael ei ddarparu a bod bodlonrwydd cleifion yn cael ei fwyafu.   Hefyd, pwyso a mesur i ateb ymholiadau cleifion ar unwaith ac yn effeithiol eich hunan o fewn eich cyfyngiadau proffesiynol.

Yn sgil natur y dyletswyddau, bydd yn ofynnol i ddeilydd y swydd gadw cyfrinachedd llwyr a bydd disgwyl iddo/iddi ddelio â staff, cleifion, gofalwyr a pherthnasau yn gwrtais a chan ddefnyddio doethineb bob amser.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.