NHSJobs.com

Trosolwg o'r swydd

Wyt ti yn Dechnegydd Fferyllfa angerddol, rhagweithiol ag empathetig, sydd yn uchelgeisiol am ddarparu gwasanaeth a gofal eithriadol i gleifion?

Os ydw yw’r ateb, mae’r adran Feryllfa yn Ysbyty Gwynedd efo cyfle ffantastig i ti ymuno ar tim cyfeillgar. Yma, mae ein cleifion yn gallon bopeth ydani yn ei wneud. Rydym yn ymroddedig i gyflawni gofal sydd or ansawdd orau a felly angen pobl medrus i helpu cyflawni hyn.

Felly, os wyt ti yn edrych am  her newydd i ehangu dy portfolio, cael mwy o gyrfifoldeb ac cyfle i weithio mewn amrywiaeth o adranau clinigol ochr yn ochr gyda timau amlddisgyblaethol, fallai hwn yw’r swydd i ti.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Prif ddyletswyddau'r swydd

Gwneud ystod eang o ddyletswyddau arferol a heb fod yn arferol o ran paratoi a chyflenwi meddyginiaethau a chynnyrch cysylltiedig i ddefnyddwyr y gwasanaeth yn y Bwrdd Iechyd.

Disgwylir i'r Technegydd Fferyllfa weithio'n weddol annibynnol a rheoli wrth wneud dyletswyddau a ddyrennir o fewn cyfyngiadau a osodir gan yr Uwch Dechnegydd Fferyllfa ac yn unol â pholisiau a gweithdrefnau'r adran, a'r Bwrdd Iechyd.

Bydd deilydd y swydd wedi hyfforddi ac yn cynnal y galluoedd sydd eu hangen i wneud dyletswyddau Technegydd Fferyllfa Gwirio Achrededig.

Ar ôl hyfforddiant pellach, bydd gan ddeilydd y swydd y gallu angenrheidiol i wneud dyletswyddau Technegydd Fferyllfa Rheoli Meddyginiaethau Achrededig.

Gweithio o dan reolaeth yr Uwch Dechnegydd Fferyllfa a fferyllydd ward yn y maes gwaith i sicrhau bod gwasanaeth diogel ac effeithlon yn cael ei gynnal, darparu ystod o weithgareddau rheoli meddyginiaeth yn cynnwys cysoni meddyginiaeth a chymryd hanes meddyginiaeth.

Cysylltu â staff y fferyllfa ym mhob sector a gweithwyr proffesiynol gofal iechyd eraill i sicrhau y gellir darparu gwasanaeth rheoli meddyginiaethau sy'n canolbwyntio ar y claf.  Gweithio'n agos â'r prif fferyllydd i fabwysiadu dull tîm at wybodaeth am feddyginiaethau, gan weithredu fel aelod allweddol o'r tîm amlddisgyblaethol a'r tîm fferyllfa ehangach, gan ddarparu cyngor gwybodaeth am feddyginiaethau i weithwyr proffesiynol gofal iechyd, cleifion a gofalwyr.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.