Trosolwg o'r swydd

Mae cyfle cyffrous wedi codi i Hyfforddwr Technegol/ Cynorthwyydd Ffisiotherapi ymuno â'r tîm yn Ysbyty Gwynedd, Bangor.

Bydd deilydd y swydd yn cefnogi’r tim Ffisiotherapi ag amlddisgyblaethol i sicrhau darpariaeth Ffisiotherapi o safon uchel, yn hyrwyddo ymyrraeth i adsefydlu a rhyddhau o’r ysbyty gyda cleifion, sy’n aml yn dioddef o amrywiaeth o gyflyrau meddygol megis cyflyrau geriatrig, anadlol a symptomau eiddilwch  yn ogystal a chleifion sydd yn yr ysbyty i gael llawdriniaeth.

Bydd hyfforddiant a datblygiad parhaus ar gael gan dîm cefnogol sefydledig mewn rhan hyfryd o'r Deyrnas Unedig. 

Mae'r gallu i siarad Cymraeg yn ddymunol ar gyfer y swydd hon; bydd yr un cyfle yn cael ei roi i ymgeiswyr Cymraeg a/neu Saesneg ymgeisio.

Prif ddyletswyddau'r swydd

Cynorthwyo ffisiotherapyddion a gweithredu rhaglenni triniaethau ffisiotherapi yn annibynnol i gleifion o lwyth achosion dynodedig, gan gynnwys y rhai gyda chyflyrau cymhleth.  Bydd hyn yn cael ei danategu gan wybodaeth ddamcaniaethol lefel sylfaenol a phrofiad ymarferol a gafwyd drwy gyrsiau byr, hyfforddiant mewnol a phrofiad at CGC lefel III neu gywerth.

Paratoi a chefnogi dosbarthiadau adsefydlu cleifion yr ysgyfaint.

Cynnal cofnodion clinigol o fewn codau ymarfer proffesiynol a chanllawiau Cymdeithas Siartredig y Ffisiotherapyddion.

Sicrhau safon gofal uchel gyda phob claf, gan weithio gyda’r holl asiantaethau a disgyblaethau sy’n gysylltiedig.

Goruchwylio a dysgu cymhorthwyr ffisiotherapi llai profiadol.

Ymgymryd â chymryd rhan mewn prosiectau sy’n seiliedig ar dystiolaeth a chynorthwyo i weithredu newidiadau o fewn term/lleoliad dynodedig

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.