NHSJobs.com

Trosolwg o'r swydd

Mae're swydd hon am gyfnod penodol/secondiad am 3 blynyddoedd (Swydd Hyfforddi)

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Ydych chi'n chwilio am ddewis arall yn lle prifysgol ond gyda'r un rhagolygon hirdymor? Os oes gennych ddiddordeb mewn gyrfa mewn cyllid a chyfrifeg yna efallai mai ein Rhaglen Brentisiaeth fydd y cam nesaf i chi. Mae prentisiaeth yn gyfle i chi ddatblygu eich gyrfa drwy weithio gyda phobl brofiadol, ennill cymwysterau a chael eich talu ar yr un pryd. 

Rydym yn chwilio am unigolyn brwdfrydig a hunan-gymhellol i ymuno â thîm Cyllid Bwrdd Iechyd Prifysgol Betsi Cadwaladr fel Prentis Cyllid. Byddwn yn darparu hyfforddiant, cefnogaeth ac arweiniad i ddatblygu eich potensial. 

Mae'r Rhaglen Brentisiaeth tair blynedd cyfnod penodol yn cynnig hyfforddiant proffesiynol gyda'r Gymdeithas Technegwyr Cyfrifyddu (AAT) o lefel 2 hyd at lefel 4. Fel swydd hyfforddi, mae'n dibynnu ar gwblhau pob cam o AAT yn llwyddiannus. Bydd hyn yn eich galluogi i weithio yn yr Adran Gyllid i ennill profiad a hyder, adeiladu portffolio o dystiolaeth ar gyfer achredu prentisiaethau, cymryd rhan mewn cyfleoedd hyfforddi priodol a deall y rôl.

Byddwch yn derbyn cymorth datblygu gan gynnwys trafodaethau perfformiad ac adborth yn rheolaidd i wneud yn siŵr eich bod yn dysgu ac yn datblygu eich sgiliau rheolaeth ariannol yn y swydd.

Prif ddyletswyddau'r swydd

Bydd y Brentisiaeth yn cynnwys yn bennaf:

• Tystysgrif dechnegol (AAT) sy’n cynnwys gwybodaeth greiddiol
• Sgiliau caled allweddol megis llythrennedd a rhifedd
• Sgiliau meddal allweddol megis cyfathrebu a deallusrwydd emosiynol.
• Ymgymryd â dyletswyddau cyllid gweithredol craidd.

Dylech allu weithio i derfynau amser tynn, meddu ar sgiliau cyfathrebu da a gallu dangos brwdfrydedd ac ymrwymiad i gyflawni safonau uchel yn gyson.

Mae'r gallu i siarad Cymraeg yn ddymunol ar gyfer y swydd hon; bydd yr un cyfle yn cael ei roi i ymgeiswyr Cymraeg a/neu Saesneg ymgeisio. 

Bydd safle'r rôl yn cael ei drafod yn y cyfweliad a bydd yn hyblyg, yn seiliedig ar leoliad yr ymgeisydd llwyddiannus.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.