NHSJobs.com

Trosolwg o'r swydd

I gefnogi datblygu gwasanaethau clinigol, mae Bwrdd  Iechyd Prifysgol Betsi Cadwaladr wedi sefydlu rhaglen gyfalaf eang gwerth £20 miliwn y flwyddyn i ddatblygu ystod o gyfleusterau newydd a gwasanaethau sydd wedi'u hailwampio.

Rydym bellach yn awyddus i gryfhau ein tîm rheoli prosiect mewnol i oruchwylio'r broses o gyflwyno'r rhaglen hon.

Byddwch yn arwain tîm Ardal ac yn rheoli amrywiaeth o brosiectau cyfalaf i sicrhau eu bod yn llwyddiannus o ran hwyluso datblygu gwasanaethau ar gyfer poblogaeth Gogledd Cymru.

Prif ddyletswyddau'r swydd

Cefnogi'r Pennaeth Datblygu Cyfalaf i reoli a datblygu Asedau Cyfalaf Bwrdd Iechyd Prifysgol Betsi Cadwaladr, gan ddarparu gwasanaeth dylunio mewnol a goruchwyliaeth ar gyfer cynlluniau cyfalaf.

Yn gyfrifol am reoli prosiect o ran nifer o gynlluniau ar yr un pryd (gan gynnwys cynlluniau cyfalaf mawr) o adeg eu dechrau hyd at eu cwblhau. Sicrhau bod prosiectau cyfalaf penodol yn cael eu darparu yn unol â pholisïau a gweithdrefnau'r BILl ac yn bodloni deilliannau diffiniedig y prosiect o ran costau, amser ac ansawdd.

Yn gyfrifol am baratoi cynigion ar gyfer cytuno arnynt, cynlluniau prosiect a sicrhau bod yr holl gynlluniau'n cael eu cynllunio yn unol â gofynion cenedlaethol a statudol.

Rhoi cyngor arbenigol a phroffesiynol ar brosiectau ystadau i Gyfarwyddwyr, yr Uwch Adran ac Uwch Reolwyr Corfforaethol, staff Ystadau eraill a chontractwyr allanol.

Yn gyfrifol am reoli a goruchwylio'r Rhaglen Datblygu Cyfalaf gyda thimau dylunio sydd wedi'u cyflogi'n uniongyrchol a'u comisiynu'n allanol trwy'r fframwaith.

Yn gyfrifol am gomisiynu cynlluniau cyfalaf mawr.

Yn gyfrifol am gynnal a darparu'r holl ddyluniadau a llawlyfrau cynnal a chadw ar gyfer holl eiddo'r BILl, ac am gynnal yr holl wybodaeth dechnegol a ddeddfwriaethol yn ymwneud â materion adeiladu Ystadau a dylunio, yn ôl yr angen.

Arwain Tîm Datblygu Cyfalaf yr Ardal.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.