NHSJobs.com

Trosolwg o'r swydd

Maer'r swydd hon am gyfnod penodol 18 mis. Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae’r Adran Darlunio Meddygol yn darparu gwasanaeth delweddu ffotograffig o ansawdd uchel i gefnogi gofalu am gleifion, diagnosis a hyfforddiant ym Mwrdd Iechyd Prifysgol Betsi Cadwaladr. Bydd y swydd wedi’i lleoli yn Ysbyty Glan Clwyd, lle rydym yn darparu gwasanaeth ar gyfer y Bwrdd Iechyd i gyd.

Rydym yn chwilio am unigolyn brwdfrydig ac ymroddedig â gradd ffotograffiaeth i ymuno a’r adran fel rhan o’n tîm gweithgar. Rydym yn cwmpasu nifer o arbenigeddau ledled Bwrdd Iechyd Prifysgol Betsi Cadwaladr. Mae’r rhain yn cynnwys Dermatoleg, Yr Ên a’r Wyneb, Orthodonteg a Gofal am Glwyfau.

Bydd y Ffotograffydd Clinigol dan Hyfforddiant (Band 5, Atodiad 21) yn meithrin ei sgiliau a’i brofiad er mwyn bod yn gymwys ar gyfer y dyletswyddau a’r cyfrifoldebau a nodir yn y disgrifiad swydd hwn. Bydd hyn yn ei alluogi i fod yn gymwys i wneud cais ar gyfer swydd Ffotograffydd Clinigol Band 5 sydd wedi cymhwyso.

Bydd yr hyfforddai’n ymgymryd â Diploma Lefel 7 mewn Ffotograffiaeth Glinigol a bydd gofyn i’r unigolyn ymrwymo i oriau ychwanegol y tu hwnt i’r diwrnod gwaith er mwyn cwblhau’r cymhwyster.

Am drafodaeth anffurfiol, cysylltwch â Leilani Winslade, Adran Darlunio Meddygol, Ysbyty Glan Clwyd drwy ffonio 03000 844944.

Prif ddyletswyddau'r swydd

Gweithio mewn tîm o ffotograffwyr clinigol i gynhyrchu ffotograffau clinigol / fideos i gynorthwyo gofalu am gleifion, diagnosis, addysgu, ymchwil a chyhoeddiadau. Bydd deilydd y swydd yn cynnig ystod o sgiliau a gwybodaeth am ffotograffiaeth i gynorthwyo amrywiaeth o dimau amlddisgyblaethol ar draws ystod o arbenigeddau clinigol yn y sefydliad. Gan weithio mewn amrywiaeth o amgylcheddau clinigol, bydd deilydd y swydd yn defnyddio cyfuniad o dechnegau ffotograffig safonol ac ansafonol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.