NHSJobs.com

Trosolwg o'r swydd

Bod yn aelod effeithiol o'r Tim Gweinyddol, drwy gyfrannu at effeithiolrwydd cyffredinol yr Adran Gwasanaethau Sterileiddio, gan weithio'n effeithlon i systemau ansawdd yr adran a'r polisïau BIPBC. Sicrhau y caiff amcanion adrannol eu cyflwyno mewn modd cywir, amserol ac effeithiol. 

Bod yn bwynt cyswllt cyntaf ar gyfer yr Adran Gwasanaethau Sterileiddio dros y ffôn, drwy e-bost, drwy ohebiaeth mewnol ac ar gyfer pob ymwelydd â'r adran. Darparu cymorth clercol effeithiol i aelodau o'r adran, gan gynnwys y gwaith o drawsgrifio cofnodion, llythyrau, memos, llungopïo, ffeilio, ffacsio a monitro lefelau stoc.

Gweithredu cyfarpar, llungopïwr, labeli, lamineiddiwr, argraffyddion, cyfrifiaduron a rhaglenni meddalwedd amrywiol y swyddfa, yn enwedig y system olrhain.

Prif ddyletswyddau'r swydd

Cyflenwi ar gyfer dyletswyddau gweinyddol eraill yn ystod cyfnodau o wyliau blynyddol, salwch yn ôl cyfarwyddyd y tîm rheoli. Cefnogi'r gwaith o baratoi data ansoddol a meintiol a ddefnyddir ar gyfer papurau ac adroddiadau adrannol cyfnodol, gan ddefnyddio pecynnau Microsoft 365 a rhaglenni electronig eraill megis System Olrheinedd HESSDA, Bionova Cloud. Cynnal system ffeilio gyfrifiadurol a system ffeilio â llaw gynhwysfawr, gan sicrhau y caiff gwybodaeth ei chofnodi a'i storio'n briodol, e.e. System Olrheinedd HESSDA, Papertrail

Cyflawni dyletswyddau mewnbynnu data i sicrhau y caiff cronfeydd data a chofnodion ansoddol cywir eu cadw. Sicrhau bod pob dyfais feddygol yn cael gwiriad ansawdd a'i phrosesu yn unol â gweithdrefnau'r adran.

Helpu'r Rheolwr Gweinyddol gyda'r gwaith o gynnal y System Rheoli Ansawdd, gallai hyn gynnwys ond heb fod yn gyfyngedig i: Ffeil Technegol SSD, Gweithdrefnau, Taflenni Gwirio, cyfarwyddiadau Gwaith, Hysbysiadau, Gweithdrefnau Gweithredu Safonol ac ati.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.