Trosolwg o'r swydd

Rydym yn chwilio am Reolwr Gweithrediadau Fferylliaeth Ysbyty llawn cymhelliant i ymuno â'r tîm fferyllol yn y Gymuned Iechyd Integredig Canolog (CIIC). Fel aelod o'r Uwch Dîm Arweiniaeth Fferylliaeth CIIC, byddwch yn cyfrannu'n weithredol at gynllunio a llunio’r gwasanaeth.

Os oes gennych brofiad o reoli gweithredol a darparu gwasanaeth a bod gennych sgiliau arwain a chyfathrebu da, yna gallwn gynnig rôl ysgogol a boddhaus i chi, gyda chefnogaeth gan uwch dîm sefydledig a phrofiadol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Prif ddyletswyddau'r swydd

• Bod yn gyfrifol am arweinyddiaeth broffesiynol, datblygiad a rheolaeth Fferyllfa Ysbyty, o fewn yr Uwch Adran Fferylliaeth a Rheoli Meddyginiaethau, i ddarparu ymarfer Fferylliaeth sy'n seiliedig ar dystiolaeth ac yn fesuradwy.
• Arwain ar ddarparu cyngor fferyllol arbenigol o fewn Fferyllfa yr Ysbyty. h.y. cydymffurfio â deddfwriaeth meddyginiaethau; cynllunio at argyfwng a chaffael.
• Cynnig a gweithredu technoleg newydd e.e. y cyflenwad logistaidd o feddyginiaethau i leoliadau clinigol a chleifion.
• Yn gyfrifol am Lywodraethu Clinigol, ansawdd a diogelwch cleifion; a gwella profiad y claf yn Fferyllfa yr Ysbyty.
• Arwain a chefnogi prosiectau a meysydd gwaith penodol, gan ddatblygu strategaethau ar gyfer gwella gwasanaethau sy'n adlewyrchu amcanion clinigol, proffesiynol a chorfforaethol / cyfarwyddiaeth.
• Cefnogi Cyfarwyddwr Cymuned Iechyd Integredig (CII) Canolog Fferylliaeth a Rheoli Meddyginiaethau, wrth gyflawni'r agenda rhaniadau o fewn y Bwrdd Iechyd (HB).
• Dirprwyo ar ran y Prif Fferyllydd, Cyfarwyddwr Fferylliaeth a Rheoli Meddyginiaethau sy'n cynrychioli'r Bwrdd Iechyd yn y parth proffesiynol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.