NHSJobs.com

Trosolwg o'r swydd

Bydd deilydd y swydd yn darparu gwasanaethau ysgrifenyddol a gweinyddol effeithiol i'r Tîm Pryderon, sy'n cynnwys cwynion cleifion.

Prif ddyletswyddau'r swydd

Mae cyfle cyffrous ar gael i ymuno â'r Tim diogelwch a Phrofiad Cleifion sydd wedi'i lleoli yn Ysbyty Wrecsam Maelor yn barhaol. Rydym yn dymuno penodi unigolyn gweithgar i ymuno â’n tîm prysur. Mi fydd y ról yn cefnogi y tím cwynion gan sicrhau fod ein cleifion yn rhan anatol o bopeth yr rydym yn ei gyflawni. Mae’r rôl hon yn gofyn am sgiliau cyfathrebu ardderchog, y gallu i wneud amryw o dasgau ar yr un pryd ac mae’r gallu i aros yn ddigynnwrf o dan bwysau yn hanfodol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.