NHSJobs.com

Trosolwg o'r swydd

Bydd deilydd y swydd yn aelod o'r Tîm Hwyluso Nyrsio Gofal Arbenigol lliniarol a diwedd oes, yn gweithio yn Adran Gofal Arbenigol Lliniarol Gogledd Cymru. 

Bydd deilydd y swydd yn cyfrannu at ddarparu gwasanaeth gofal lliniarol sydd o ansawdd uchel a hygyrch, gan roi cymorth, hyfforddiant ac addysg arbenigol ar gyfer gofal diwedd oes.

Bydd deilydd y swydd yn gyfrifol am gydlynu'r ffrydiau gwaith ac addysg ar gyfer gofal lliniarol a diwedd oes a'i ddarparu.

Bydd deilydd y swydd yn ategu gwaith y gwasanaethau nyrsio llym a chymuned sy'n darparu hyfforddiant ac addysg ar ofal lliniarol.

Bydd disgwyl i ddeilydd y swydd weithio'n hyblyg a chylchdroi ar draws cymunedau Gogledd Cymru fel bo'n ofynnol i weithio yn y gwasanaeth.

Prif ddyletswyddau'r swydd

Rydym yn falch o gynnig y cyfle cyffroes hwn i nyrs cymwysedig a phrofiadol weithio fel rhan o Dîm Hwyluswyr Nyrsio Gofal Diwedd Oes Macmillan sydd wedi ennill gwobrau, i ddarparu hwyluso a chefnogaeth i roi’r offer a hyfforddiant sydd ei angen ar waith i gefnogi gofal diwedd oes o ansawdd uchel mewn amryw o leoliadau, yng Ngogledd Cymru.  Bydd deilydd y swydd yn gweithio gyda chefnogaeth yr Hwylusydd Nyrsio Arweiniol ar gyfer Gofal Diwedd Oes a’r Tîm Gofal Lliniarol Arbenigol, gan weithio ar draws amryw o leoliadau, yn cynnwys Cartrefi Nyrsio, Ysbytai Cymuned, gofal cychwynnol a gofal eilaidd. 

Bydd deilydd y swydd yn cefnogi hwyluso rhaglenni (Chwe Cham i Lwyddiant) gofal diwedd oes, gan hwyluso darparu prif elfennau o weithredu ffrydiau gwaith strategol, eu datblygu a’u gwerthuso. Mae’r rôl hon yn gofyn am sgiliau cyfathrebu, cydlynu a thrafod effeithiol, sy’n hanfodol i weithio mewn partneriaeth ar draws sefydliadau.

Rydym yn annog ymholiadau ac ymweliadau anffurfiol.

Mae’r gallu i siarad Cymraeg yn ddymunol ar gyfer y swydd hon; mae’r un croeso yn cael ei roi i siaradwyr Cymraeg a/neu Saesneg i ymgeisio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.