Trosolwg o'r swydd

Dyma gyfle cyffrous iawn i helpu i wneud gwahaniaeth gwirioneddol er mwyn cynyddu mynediad i wasanaethau Seicoleg Glinigol a Seicoleg Iechyd Meddwl Oedolion yng Ngogledd Cymru. Byddwch yn ymuno ag Adran Seicoleg Glinigol a Gwasanaethau Seicolegol gofal eilaidd y GIG cyfeillgar a chroesawgar sydd yn tyfu, sydd â chysylltiadau clinigol a chysylltiadau ymchwil rhagorol gyda'r Ysgol Seicoleg ac Adran DClinPsych ym Mhrifysgol Cymru, Bangor.  

Bydd deilydd y swydd yn elwa hefyd o gysylltiadau BIPBC o fewn Gwasanaethau Seicoleg Glinigol a Seicoleg Iechyd Meddwl Oedolion BIPBC ar draws Gogledd Cymru, gyda chyfle ar gyfer ymchwil a rhwydweithio clinigol ar draws Gogledd Cymru a Chymru Gyfan.  Bydd y deilydd yn cael ei gefnogi, ei fentora a'i reoli'n dda o fewn yr adran, gyda'r cyfle i gael cefnogaeth barhaus cymheiriaid, goruchwyliaeth, a hyfforddiant a datblygiad pellach.

Prif ddyletswyddau'r swydd

Mae Gwasanaethau Seicoleg Glinigol a Seicoleg Iechyd Meddwl Oedolion yn dymuno penodi Seicolegydd Clinigol 8a sydd â chymwysterau a phrofiad addas, i weithio'n llawn amser yn TIMC Sir Ddinbych. Mae hon yn swydd 8a barhaol, a bydd deilydd y swydd yn gweithio fel rhan o wasanaethau iechyd meddwl eilaidd integredig ar gyfer oedolion sydd ag anghenion iechyd meddwl cymhleth a difrifol.  Bydd disgwyl i ddeilydd y swydd integreiddio'n dda a chydweithio â'i gydweithwyr yn y TIMC, gan ddarparu gwybodaeth ac arbenigedd seicolegol arbenigol i'r tîm.  Bydd hyn yn cynnwys gweithio trwy eraill ar gyfer hyfforddiant, goruchwyliaeth, a gwaith fformiwleiddio yn ogystal â darparu mewnbwn clinigol uniongyrchol i gleientiaid.   Bydd hefyd yn cynnwys mynychu cyfarfodydd tîm amlddisgyblaethol clinigol, cyfarfodydd cyfeirio (SPOA), a chyfarfodydd busnes TIMC, ac arweinyddiaeth strategol a chlinigol.  

Gyda’r datblygiadau sydd yn digwydd yng Nghymru, mae hon yn adeg dda i ymuno â'n tîm.  Mae croeso i chi gysylltu â ni am ragor o wybodaeth. Gellid ystyried y rôl hon ar gyfer swydd ddatblygu.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.