Trosolwg o'r swydd

Mae cyfle cyffrous wedi codi i weithio fel Derbynnydd yng Nghanolfan Iechyd a Lles newydd o'r radd flaenaf yng nghalon Sir y Fflint.

 

 

Prif ddyletswyddau'r swydd

Bydd yr ymgeisydd llwyddiannus yn gweithredu fel pwynt cyswllt cyntaf ar gyfer y Bwrdd Iechyd ac yn gyfrifol am gynnig cymorth i gleifion sy'n ymweld â'r safle, yn ogystal â chydweithwyr a Meddygfeydd sydd wedi'u lleoli yn y Ganolfan Iechyd.

Rhaid i ddeilydd y swydd fod yn gynorthwyol ac yn ddymunol gyda brwdfrydedd i wneud ei (g)orau i gyflawni disgwyliadau ac anghenion cleifion, gan wneud eu taith glinigol mor esmwyth â phosibl.

Mae agwedd hyblyg yn hanfodol i'r swydd hon, yn ogystal â sgiliau cyfathrebu rhagorol a sgiliau cyfrifiaduron helaeth.  Mae'n bosibl bydd gofyn i ddeilydd y swydd weithio mewn gwahanol adrannau o bryd i'w gilydd i fodloni gofynion y gwasanaeth.

Mae'r gallu i siarad Cymraeg yn hanfodol ar gyfer y swydd hon

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.