Trosolwg o'r swydd

Gwahoddir ceisiadau am y swydd llawn amser Swyddog Clercyddol / Derbynnydd. Deilydd y swydd fydd y pwynt cyswllt cyntaf ar gyfer y cyhoedd, staff, cleifion, gofalwyr sydd angen cymorth.  Rhan allweddol o'r rôl yw darparu cymorth gweinyddol i'r Ysbyty Cymunedol gyda'r ymgeisydd llwyddiannus wedi'i leoli yn Ysbyty Cymunedol Yr Wyddgrug.   Bydd hyn hefyd yn cynnwys gweithio ar ddydd Sadwrn ar sail rota. 

Bydd gofyn i chi gwmpasu rhannau eraill o ardaloedd yr Ymddiriedolaeth pan fydd angen.  

Mae'r gallu i siarad Cymraeg yn hanfodol ar gyfer y rôl hon. 

Prif ddyletswyddau'r swydd

Bydd yr ymgeisydd llwyddiannus yn drefnus iawn, wedi ymrwymo i ofal cwsmer ac i ddarparu gwasanaeth o ansawdd da. Bydd angen gweithio ar ei liwt ei hun ond hefyd fel rhan o dîm. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Rhaid i ddeilydd y swydd fod yn gynorthwyol ac yn ddymunol gyda brwdfrydedd i wneud ei (g)orau i gyflawni disgwyliadau ac anghenion cleifion, gan wneud eu taith glinigol mor esmwyth â phosibl.

Mae agwedd hyblyg yn hanfodol i'r swydd hon, yn ogystal â sgiliau cyfathrebu rhagorol a sgiliau cyfrifiaduron helaeth.  Mae'n bosibl bydd gofyn i ddeilydd y swydd weithio mewn gwahanol adrannau o bryd i'w gilydd i fodloni gofynion y gwasanaeth.

Mae angen dysgu Sgiliau Iaith Gymraeg wrth gael eich penodi i'r swydd. Mae croeso i siaradwyr Cymraeg a/neu Saesneg wneud cais

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.