Swydd wag: Uwch Reolwr Cyllid (Contractau), Bwrdd Iechyd Prifysgol Betsi Cadwaladr, Yr Wyddgrug

Crynodeb o'r swydd

Prif leoliad: Cyllid
Gradd: Gradd 7
Contract: Parhaol
Oriau: Llawnamser - 37.5 awr yr wythnos
Cyfeirnod y swydd: 050-AC863-1124

Cyflogwr: Bwrdd Iechyd Prifysgol Betsi Cadwaladr
Math o gyflogwr: NHS
Gwefan: Preswylfa
Tref: Yr Wyddgrug
Cyflog: £46,840 - £53,602 y flwyddyn
Cyfnod cyflog: Yn flynyddol
Yn cau: 28/11/2024 23:59

Uwch Reolwr Cyllid (Contractau)

Gradd 7

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae’r raddfa gyflog uchod wedi’i chytuno fel rhan o ddyfarniad cyflog Agenda ar gyfer Newid y GIG ar gyfer 2024/2025. Bydd yn cael ei rhoi ar waith ym mis Tachwedd 2024 wedi’i hôl-ddyddio i 1 Ebrill 2024 lle bo’n berthnasol.

Swydd ddisgrifiad a phrif gyfrifoldebau manwl

Bydd yr ymgeisydd llwyddiannus yn rheoli portffolio o gontractau a Chytundebau Lefel Gwasanaeth (CLG) ar draws y sefydliad cyfan gan gynnwys rheoli contractau comisiynwyr y GIG, cyfraniad at ddatblygu mecanweithiau prisio a gweithgarwch ar draws yr holl wasanaethau, hyrwyddo systemau ar gyfer cofnodi, monitro a llunio adroddiadau am berfformiad contractau a'r cyswllt a'r cyd-drafod â Darparwyr.

Bydd deilydd y swydd yn cydweithio â'r Prif Reolwr Cyllid a Rheolwyr Busnes yr Uwch Adran i sicrhau arweinyddiaeth glinigol ac uwch adrannol yn y broses gontractio a sicrhau bod y broses yn cyd-fynd yn eglur â meysydd cysylltiedig gan gynnwys gwasanaethau i gleifion, cyllid, gwybodaeth ac ansawdd. Byddant yn darparu gwybodaeth ac arweiniad arbenigol ar ystod eang o faterion ariannol, perfformiad ac ansawdd hynod gymhleth, gan gynnwys gwybodaeth ac arweiniad i feddygon ymgynghorol a chlinigwyr eraill a Chyfarwyddwyr yr Uwch Adran

Bydd deilydd y swydd yn sicrhau bod yr holl wybodaeth ariannol mewn perthynas â chontractau allanol y Bwrdd Iechyd yn cael ei phrosesu yn unol â pholisïau a chanllawiau cyfrifyddu statudol a chyfreithiol, ac yn unol â therfynau amser ac amserlenni, trwy gwblhau ei waith ei hun a rheoli gwaith aelodau eraill y tîm ac eraill sy’n gweithio oddi tano.

Mae perthnasoedd allweddol yn cynnwys Rheolwyr Gweithredol a Chlinigwyr y Bwrdd Iechyd a Darparwyr a Chomisiynwyr allanol.

Mae Disgrifiad Swydd manwl ynghlwm wrth yr hysbyseb ac mae'n cynnwys disgrifiad llawn o ddyletswyddau, cyfrifoldebau, sgiliau a rhinweddau personol.

Manyleb y person

Cymwysterau a/neu Wybodaeth

Meini prawf hanfodol

Aelod sy'n gyfrifydd cwbl gymwys o sefydliad proffesiynol CCAB, neu wybodaeth a phrofiad cyfatebol profedig,
Profi eich bod yn gweithio ar Lefel Meistr neu gyfwerth

Profiad

Meini prawf hanfodol

Profiad helaeth o weithio mewn swydd Cyllid uwch mewn sefydliad mawr.
Profiad o drin data, ymchwilio a dadansoddi.
Profiad o weithredu a gweithio rheolaethau Contractau GIG,
Profiad helaeth o ddelio â sefydliadau allanol a rheoli CLG a chontractau.
Profiad o reoli prosiectau a thasgau dros gyfnod cyflawni neu weithredu hir.

Tueddfryd a Gallu

Meini prawf hanfodol

Gallu dadansoddi gwybodaeth gymhleth iawn a'i mynegi yn effeithio ar bob lefel o fewn y sefydliad a hefyd i gyrff allanol.
Gallu dadansoddi perfformiad drwy amrywiaeth o dechnegau e.e. meincnodi
Gallu gweithio o dan bwysau, blaenoriaethu a chyflawni gwaith o fewn terfynau amser.
Gwybodaeth a dealltwriaeth helaeth a manwl o gyfrifeg rheoli a Chyllid y GIG
Gwybodaeth a dealltwriaeth fanwl o godio Clinigol gan gynnwys ICD10, OPCS 4 a HRG 4

Meini prawf dymunol

Gallu cyfathrebu'n effeithiol yn Gymraeg ac yn Saesneg
Sgiliau dylunio taenlenni a chronfeydd data uwch

Gwerthoedd

Meini prawf hanfodol

Lefel uchel iawn o hunanhyder, effeithiolrwydd personol, dycnwch a gwydnwch
Y gallu i weithio fel rhan o dîm ac i reoli ei waith ei hun i gyflawni o fewn terfynau amser
Dangos ymrwymiad i weithio'n gyson yn unol â Gwerthoedd Sefydliadol, a galluogi eraill o fewn y gweithlu i wneud hyn.

Meini prawf dymunol

Ymrwymiad i ddiwylliant o welliant parhaus a datblygiad proffesiynol

Arall

Meini prawf hanfodol

Y gallu i deithio ar draws safleoedd o fewn y Bwrdd Iechyd ac o fewn ardal ddaearyddol ehangach
bydd angen mynychu cyfarfodydd y tu allan i oriau gwaith arferol ar draws daeryddiaeth y Bwrdd Iechyd a thu allan i ogledd Cymru.

I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.