NHSJobs.com

Swydd ddisgrifiad a phrif gyfrifoldebau manwl

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.

• Cynorthwyo'r nyrs gofrestredig i ddarparu gofal cyfannol o safon uchel i gleifion, gan sicrhau bod urddas cleifion a chydraddoldeb yn cael ei gynnal bob amser.
• Sicrhau bod yr egwyddorion a amlinellir yn yr Hanfodion Gofal yn cael eu hymgorffori mewn arfer bob dydd i sicrhau gwasanaeth o ansawdd uchel i gleifion a chleientiaid.
• Cynorthwyo'r cleifion i gynnal eu hylendid a'u hymddangosiad personol.
• Cyflawni dyletswyddau o fewn y cynllun gofal wedi’u dirprwyo gan ymarferydd cymwys, dim ond os yw wedi derbyn hyfforddiant ac asesiad perthnasol.
• Paratoi wardiau/mannau clinigol ar gyfer derbyn cleifion drwy wneud yn siŵr bod y lle yn lân a thaclus - cynorthwyo i gadw'r safonau yn y man clinigol a hysbysu'r unigolyn priodol am unrhyw anrhefn/ llanast.
• Cynorthwyo i dderbyn cleifion newydd i’r ward trwy baratoi’r gwely, croesawu’r claf, ei helpu i’r gwely/man arall, a dangos cleifion o amgylch y ward.
• Llenwi cardiau bwydlenni cleifion gan gynnwys y claf yn y broses, a chymryd i ystyriaeth unrhyw gyfarwyddiadau gan nyrs gymwysedig o ran diet.
• Cymryd rhan mewn amseroedd prydau bwyd wedi’u neilltuo i gleifion gan wneud yn siŵr bod cleifion yn cael eu prydau/diodydd yn ddiogel ac mewn pryd, a sicrhau bod dwylo’r cleifion wedi’u golchi a bod yr amgylchedd yn addas ar gyfer bwyta e.e. paratoi’r lle o gwmpas y gwely.
• Cymryd rhan wrth weini prydau i gleifion drwy dorri bwyd lle bo'n ofynnol, agor pecynnau, helpu cleifion i eistedd i fyny. Sicrhau bod statws maeth yn cael ei gynnal drwy gynorthwyo gyda bwydo/darparu diodydd a chynnal siart maeth (fel y cyfarwyddir). Hysbysu’r nyrs gofrestredig sydd â gofal cleifion am unrhyw glaf sy’n bwyta’n wael.
• Gweithredu fel hebryngwr i gleifion sy'n cael archwiliad neu driniaeth arall, a mynd gyda chlaf i'r adran pelydr-X neu adrannau eraill a chario dogfennau priodol a chyfleu negeseuon perthnasol dan gyfarwyddyd y nyrs gofrestredig.
• Gwarchod preifatrwydd a chynnal urddas cleifion nad oes ganddynt y gallu i ofalu amdanynt eu hunain tra byddwch yn eu helpu i ymolchi ac i ddefnyddio’r toiled.
• Perfformio arsylwadau cleifion; tymheredd, pwls a resbiradaeth yn dilyn cyfnod o hyfforddiant ac asesiad priodol.
• Cofnodi gwybodaeth sy'n ymwneud â gofal claf yn fanwl yn ôl cyfarwyddyd y nyrs â gofal.
• Cadw llygaid a hysbysu'r Nyrs Gofrestredig am unrhyw newid yng nghyflwr y claf.
• Darparu cefnogaeth seicolegol a chorfforol i gleifion/cleientiaid cyn, yn ystod ac yn dilyn gweithdrefnau neu archwiliadau clinigol.
• Cynorthwyo i symud a thrin cleifion, gan sicrhau eu bod yn cael eu symud yn ddiogel, yn unol â chanllawiau a pholisïau sefydliadol .
• Cynorthwyo'r nyrs gofrestredig i sefydlu a chynnal cysylltiadau effeithiol â chleifion a gofalwyr/perthnasau.
• Adnabod sefyllfaoedd brys ac argyfyngau ac ymateb yn briodol iddynt.
• Mynegi gwybodaeth sylfaenol i gleifion a'u gofalwyr gan gynnal cyfrinachedd, urddas a pharch.
• Golchi cyrff a chefnogi teuluoedd a/neu ffrindiau.