Trosolwg o'r swydd

Rydym yn chwilio am unigolyn arloesol a blaengar i weithio fel rhan o dîm cyllid cyfrifon rheoli..

Bydd y deilydd swydd llwyddiannus wedi cymhwyso gyda AAT neu bydd ganddo brofiad/cymhwyster cyfatebol. Mae’r rôl yn gofyn am unigolyn brwdfrydig, ysgogol ac ymroddgar sydd â sgiliau cyfathrebu a rhyngbersonol ardderchog. Mae’r adran gyllid yn ymrwymo i ddatblygiad personol a hyfforddiant.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Prosesu holl agweddau o incwm a gwariant y Bwrdd Iechyd a'u rheoli o ran Ardal / Uwch Adran benodol, neu Gyllideb Cyfarwyddiaeth Gweithredol, yn unol â Chyfarwyddiadau Ariannol Sefydlog, Rheolau sefydlog a Safonau a Chanllawiau Cyfrifeg.
Gweithio o fewn y Tîm Cyllid neu Dîm Cyllid Cyfrifeg Rheoli, gan ddarparu cymorth proffesiynol a chyngor ariannol a chefnogaeth i reolwyr, a chynnal ymchwiliadau i ystod eang o amrywiadau a dadansoddiad ariannol, gan awgrymu camau gweithredu cywirol i reolwyr Bwrdd Iechyd fel bo'n briodol.
Sicrhau bod holl incwm, gwariant ac anfonebau yn cael eu prosesu a'u cyfrif yn unol â gweithdrefnau cadarn a Safonau Cyfrifeg, a bod yr holl wybodaeth yn cael ei ddarparu yn unol â gofynion adrodd statudol, amserlenni a safonau, drwy gwblhau eich gwaith eich hun a chydgysylltu â chydweithwyr eraill ar draws yr Adran Cyllid a'r Bwrdd Iechyd ehangach.
Darparu dadansoddiad a gwybodaeth ariannol benodol i gefnogi cynhyrchu Ffurflenni Monitro misol a Chyfrifon Blynyddol y Bwrdd Iechyd fel y cyflwynir i Lywodraeth Cymru, yn unol ag amserlenni, canllawiau, polisïau a gweithdrefnau statudol a chyfreithiol.
Darparu gwybodaeth rheolaeth ariannol amserol, cywir ac ystyrlon o fewn amserlenni ariannol tynn, a sicrhau bod gwaith yn cael ei gwblhau yn unol â Rheolau Sefydlog, Cyfarwyddiadau Ariannol Sefydlog, a Chynllun Dirprwyo.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.