NHSJobs.com

Trosolwg o'r swydd

Mae cyfle cyffrous wedi codi yn yr adran Gwasanaethau Dadebru sy'n cwmpasu ardal gyfan BIPBC.  Byddwch yn rhan o dîm sefydledig ac ymroddgar sy'n darparu Hyfforddiant Dadebru ar bob lefel a chymorth a chyngor clinigol, a byddwch yn helpu i lywio'r gwasanaeth er mwyn gwella'r dull o ddarparu gwasanaethau dadebru.

Mae dwy swydd wag ar gael ar hyn o bryd, un yn Ysbyty Gwynedd, Bangor, ac ail yn Ysbyty Maelor Wrecsam, â chyfle i weithio i gynorthwyo'r gwasanaeth yn safleoedd y tri ysbyty acíwt i helpu i ennill profiad gwerthfawr.

Prif ddyletswyddau'r swydd

Bydd yr ymgeiswyr llwyddiannus yn cyfrannu at hyfforddi ar gyrsiau Cyngor Dadebru’r DU gan gynnwys ILS, PILS, GIC, ALS ymhlith eraill yn ogystal â chyfle newydd a chyffrous i gyfrannu at addysgu’r cwrs Trawma Ewropeaidd am y tro cyntaf yng Ngogledd Cymru.

Bydd archwiliadau i sicrhau diogelwch cleifion a gwaith Gwella Ansawdd hefyd yn rhan o’r rôl yn ogystal â bod yn aelod gweithgar o’r pwyllgor Dadebru ac yn rhan o’r timau ymateb brys yn safleoedd ysbytai acíwt y bwrdd iechyd. Bydd y swydd yn cyfuno gwaith clinigol ac addysgu rheolaidd yn yr ysbyty ac yn ein canolfannau cymunedol hefyd.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.