Trosolwg o'r swydd

Rydym yn awyddus i benodi 1 x Swyddog Cyngor a Chymorth Cyswllt Cleifion i gynorthwyo’r gwasanaeth yn Ysbyty Gwynedd, Ardal y Gorllewin ac i ddarparu cymorth ar draws y gwasanaeth ehangach yng ngogledd Cymru.

Rôl Swyddog Cyngor a Chymorth Cyswllt Cleifion yw gweithredu fel hwylusydd mewn ymateb i ddelio ag ymholiadau o ddydd i ddydd; uwchgyfeirio adborth neu bryderon a fynegir gan gleifion, gofalwyr, teuluoedd ac aelodau o’r cyhoedd a negodi atebion effeithiol neu ddatrys materion mor gyflym â phosibl.

Bydd disgwyl i’r ymgeisydd llwyddiannus gymryd rhan yn y gwaith o gydlynu a chyflwyno gweithgareddau ymgysylltu a chyfathrebu, fel y’u diffinnir yn rôl swydd Cyngor a Chymorth Cyswllt Cleifion. Bydd deiliad y swydd yn mynd i leoliadau sylfaenol, eilaidd a chymunedol i ymgysylltu â chleifion a gofalwyr i gasglu adborth cleifion a gofalwyr drwy ddulliau amrywiol fel cynnal cyfweliadau arsylwi Care 2 Share a chasglu straeon cleifion.

Bydd y Swyddog Cyngor a Chymorth Cyswllt Cleifion yn adrodd i’r Rheolwr Profiad Cleifion a bydd yn gweithio’n agos gyda’r tîm Cwynion.

Bydd angen i chi fod yn frwdfrydig, yn llawn cymhelliant, yn sensitif ac yn ddoeth; wedi eich addysgu at lefel gradd (neu brofiad cyfatebol) ac yn meddu ar brofiad o ddelio â chleifion/gofalwyr/aelodau o’r cyhoedd mewn sefyllfaoedd sy’n aml yn gallu bod yn anodd ac yn heriol. 

Prif ddyletswyddau'r swydd

Prif gyfrifoldebau’r swydd yw:

• Gweithredu fel pwynt cyswllt gweladwy i gleifion, gofalwyr, perthnasau ac aelodau o’r cyhoedd, gan ddarparu gwybodaeth gywir a datrys ymholiadau a godir yn gynnar. Lle bo angen, bydd Swyddogion Cyngor a Chymorth Cyswllt Cleifion yn atgyfeirio ac yn cynghori ar y broses gwyno neu’n cyfeirio at wasanaethau eiriolaeth allanol neu arbennig os credir bod hynny’n briodol.
• Mynd ati’n weithredol i rwydweithio a meithrin cysylltiadau ar draws y Bwrdd Iechyd, gan gynnwys Gofal Sylfaenol, sefydliadau cydweithredol a’r trydydd sector, er mwyn ymgysylltu a helpu i ddatrys problemau wrth iddynt godi.
• Casglu adborth gan gleifion a gofalwyr drwy amrywiol ddulliau mewn amrywiaeth o leoliadau clinigol. 

Bydd deiliad y swydd yn:

• Delio â gwybodaeth sensitif mewn modd proffesiynol gan sicrhau bod pob cam yn bodloni’r gofynion statudol yn y Canllawiau Gweithio i Wella a deddfwriaeth Diogelu Data
• Gwneud penderfyniadau gofalus, cyfrifol a phroffesiynol i sicrhau’r canlyniad mwyaf effeithiol i’r ymholydd bob amser
• Rheoli a chofnodi’n effeithiol yr holl gysylltiadau unigol â chleifion, gofalwyr, perthnasau neu aelodau o’r cyhoedd
• Meithrin a chynnal cysylltiadau da gyda'r timau rheoli, staff clinigol a staff anghlinigol ar draws y bwrdd iechyd. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.