NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS OHERWYDD CYFNOD MAMOLAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Bydd deilydd y swydd yn gyfrifol yn weinyddol i’r Uwch Nyrs Ddeintyddol ac yn atebol i Gyfarwyddwr Clinigol Gwasanaeth Deintyddol Cymunedol Gogledd Cymru. Bydd y Nyrs Ddeintyddol yn gyfrifol yn glinigol i’r Clinigydd y mae ef/hi’n gweithio gydag ef/hi. 

Disgwylir i ddeilydd y swydd deithio yn ardal Gwasanaeth Deintyddol Cymunedol Gogledd Cymru, er enghraifft, clinigau, ysbytai, ysgolion, ymweliadau cartref, unedau deintyddol symudol a chynnal triniaethau mewn safleoedd eraill, er enghraifft, cartrefi nyrsio. Telir costau teithio. 

Prif ddyletswyddau'r swydd

 Ydych chi’n nyrs ddeintyddol gymwys, sy'n mwynhau amrywiaeth ac yn chwilio am her newydd?

Rydym yn chwilio am Nyrs Ddeintyddol frwdfrydig i ymuno â’n tîm deintyddol a all uniaethu â bob grŵp oedran a all gynorthwyo clinigwyr gydag ystod lawn o driniaethau deintyddol.  Mae profiad o gleifion sydd ag anghenion arbennig yn ddelfrydol.

Fel Nyrs Ddeintyddol gymwys, fe’ch lleolir yn Ysbyty Brenhinol Alexandra, Rhyl. Rhaid i'r ymgeisydd llwyddiannus fod yn barod i ddarparu cefnogaeth nyrsio ddeintyddol mewn clinigau allanol, unedau symudol, ysbytai ac mewn cartrefi.

Mae'r gallu i deithio rhwng safleoedd yn brydlon yn hanfodol.

Mae'n rhaid eich bod wedi cofrestru gyda'r Cyngor Deintyddol Cyffredinol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch a'n tim a chael y cymorth sydd ei angen arnoch, yn unol a’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.