NHSJobs.com

Trosolwg o'r swydd

Mae cyfle cyffrous wedi codi i weithio fel derbynnydd yn Nhîm Iechyd Meddwl Cymunedol Hafod.

Pwrpas y swydd hon yw darparu gwasanaeth gweinyddu a derbynfa effeithlon a chynhwysfawr ar gyfer y gwasanaeth.

Bydd deiliad y swydd yn gweithio ochr yn ochr â'r tîm amlddisgyblaethol ac yn cefnogi cynnig gofal di-dor i boblogaeth Gogledd Cymru.

Prif ddyletswyddau'r swydd

Darparu cefnogaeth derbynfa a chlercyddol cynhwysfawr i'r Gwasanaeth Iechyd Meddwl.  Dangos arddull gwrtais, proffesiynol a sensitif bob amser.  Disgwylir i ddeilydd y swydd flaenoriaethu a rheoli ei amser ac arddangos hyblygrwydd bob amser.

Bod yn rhan o swyddogaeth weinyddol gydlynol ac integredig i'r gwasanaeth.  Yn sgil natur y dyletswyddau, bydd yn ofynnol i ddeilydd y swydd gadw cyfrinachedd a bydd disgwyl iddo/iddi ddelio â chleifion, gofalwyr, perthnasau, staff meddygol /clinigol a defnyddwyr gwasanaeth eraill, dros y ffôn ac ar bapur, a hynny’n gwrtais a chan ddefnyddio doethineb bob amser. 

Mae'r gallu siarad Cymraeg yn hanfodol ar gyfer y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.