Trosolwg o'r swydd

Ydych chi'n chwilio am her a'r cyfle i ddatblygu eich gyrfa wrth ddarparu gofal cyfannol modern a chefnogol yn ystod y cyfnod cychwynnol o asesiad gwybyddol a diagnosis? Yna edrychwch dim pellach, dewch i ymuno â ni!

Bydd deiliad y swydd yn gyfrifol am glinig cof Conwy a Sir Ddinbych yn absenoldeb rheolwr y clinig cof.

Efallai y bydd angen i ddeiliad y swydd rannu ei amser yn gyfartal rhwng clinig a lleoliad gofal cymunedol oherwydd yr ardal ddaearyddol wledig fawr gyda chysylltiadau trafnidiaeth cyfyngedig a derbyniad ffôn symudol problematig.

Mae angen gweithio'n annibynnol a chynnal ymweliadau cartref cleifion. Meddu ar y gallu i wneud penderfyniadau cymhleth heb oruchwyliaeth oherwydd gweithio mewn ardaloedd anghysbell.

Disgwylir i ddeiliad y swydd gymryd rhan fel aelod llawn o'r tîm amlddisgyblaethol, gan weithio gyda phobl sydd â phroblemau iechyd meddwl organig posibl. Cymryd cyfrifoldeb am lwyth achosion cleifion ac asesiadau cynhwysfawr cychwynnol, darparu diagnosis a llunio cynlluniau triniaeth ac adolygiad parhaus.

Prif ddyletswyddau'r swydd

Mae’r cyfle wedi codi i nyrs iechyd meddwl ymuno â ni fel Nyrs B6 MA Asesiad Cof yng Ngwasanaeth Assesiad Cof Canolog (MAS). Rydym yn wasanaeth aml-ddisgyblaethol hir sefydliedig sydd yn cynnig gofal arbenigol ar draws Sir Ddinbych a Sir Conwy.

Byddem yn darparu cyfleon i chi ddatblygu sgiliau trosglwyddadwy – i arbenigo yn y broses asesu trwy ddatblygu eich sgiliau asesu i’r radd flaenaf; i gasglu a chrynhoi gwybodaeth mewn fformat addas i gyflwyno i’ch cydweithwyr aml-ddisgyblaethol; i rannu a thrafod gwybodaeth sensitif yn ogystal â chymryd rhan yn y broses ddiagnostig; i ddarparu gwybodaeth a chefnogaeth yn nyddiau cynnar diagnosis ac hefyd i fod yn rhan o grwpiau/ gwaith unigol therapiwtig. Rydym eisiau eich cefnogi chi yn eich gyrfa a rhoi cyfleon i chi ddatblygu.

Mae’n ofynnol yn y swydd hon eich bod ag amrywiaeth o sgiliau nyrsio o amrediad o adrannau arbenigol gwahanol – Gofal Cychwynnol, Cysylltu, Iechyd Meddwl Oedolion a Iechyd Meddwl Pobl Hŷn. Yn eich rôl Gradd 6 fyddem yn disgwyl I chi arwain adran o’r MAS ar absenoldeb y rheolwr. Dyma gyfle unigryw i chi ymuno â’n tîm yn ystod y cyfnod diddorol hwn o newid mawr.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.