Trosolwg o'r swydd

Mae’r swydd hon am Gyfnod penodol/Secondiad am 12 mis ar gyfer absenoldeb mamolaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Mae cyfle gwych wedi codi ar gyfer Cynorthwyydd Therapïau Band 3  o fewn Tîm Rheoli Pwysau Pediatrig Lefel 3 BIPBC yn Llanelwy. Mae'r gwasanaeth yn chwilio am unigolion brwdfrydig sy’n angerddol dros helpu plant a theuluoedd.  Bydd gan yr ymgeisydd llwyddiannus gefndir neu ddiddordeb mewn maeth neu chwaraeon ac agwedd naturiol tuag at wella ansawdd. 

Prif ddyletswyddau'r swydd

Bydd yr cynorthwydd yn annog plant a theuluoedd i gynyddu lefelau eu gweithgarwch a gwneud dewisiadau iach o ran bwyd a ffordd o fyw. Byddant yn helpu plant i ymgysylltu a gosod nodau bach, cynaliadwy i wella eu hiechyd tra byddant yn mynychu rhaglen 12 mis Helpa Fi i Fod yn Iach. Bydd y rôl yn cynnwys elfennau amrywiol gan gynnwys o bosib cyflwyno sesiynau grŵp rhithwir trwy Teams (maeth, ffordd o fyw ac ymarfer corff), gweinyddiaeth, rhywfaint o waith un i un a chyswllt agos â'r tîm amlddisgyblaethol ehangach. Mae nifer o ffactorau’n cyfrannu at ordewdra plant felly mae angen agwedd hyblyg, empathetig er mwyn teilwra cymorth ar gyfer pob plentyn a mynd i'r afael â'u hanghenion penodol nhw eu hunain. Byddant yn helpu'r tîm ehangach i gefnogi newidiadau parhaus a fydd, yn y pen draw yn galluogi canlyniadau buddiol i'r plant ar y rhaglen.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.