Crynodeb o'r swydd
- Prif leoliad
- Gradd Arbenigol mewn Microbioleg a Chlefydau Heintus
- Gradd
- NHS Medical & Dental: Specialist Grade
- Contract
- Parhaol
- Oriau
- Llawnamser - 10 sesiwn yr wythnos
- Cyfeirnod y swydd
- 028-MD010-0524-A
- Cyflogwr
- Ymddiriedolaeth GIG Iechyd Cyhoeddus Cymru
- Math o gyflogwr
- NHS
- Gwefan
- Bronglais General Hospital
- Tref
- Aberystwyth
- Cyflog
- £83,963 - £95,296 Y flwyddyn
- Cyfnod cyflog
- Yn flynyddol
- Yn cau
- 27/08/2024 23:59
Teitl cyflogwr
![Ymddiriedolaeth GIG Iechyd Cyhoeddus Cymru logo](https://static.trac.jobs/employer-logos/200.png)
Gradd Arbenigol mewn Microbioleg a Chlefydau Heintus
NHS Medical & Dental: Specialist Grade
Croeso i Iechyd Cyhoeddus Cymru, asiantaeth iechyd cyhoeddus genedlaethol Cymru
Ein gweledigaeth yw Gweithio i wireddu dyfodol iachach i Gymru
Am ragor o wybodaeth amdanom, ewch i’n tudalen hafan, darllenwch am ein cynllun strategol
Dilynwch ni ar Twitter, Facebook, LinkedIn and Instagram
Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.
Trosolwg o'r swydd
Mae hon yn swydd gradd Arbenigedd, ar gyfer gwasanaeth microbioleg Iechyd Cyhoeddus Cymru i Fwrdd Iechyd Prifysgol Hywel Dda. Yn y swydd hon byddwch chi'n ymuno â'r tîm heintiau clinigol sy'n ehangu er mwyn darparu gwasanaethau i Fwrdd Iechyd Prifysgol Hywel Dda a chynorthwyo rhwydwaith ehangach Iechyd Cyhoeddus Cymru.
Mae deiliad y swydd yn atebol yn rheolaethol i Gyfarwyddwr Gweithredol Gwasanaethau Diogelu a Sgrinio Iechyd, Ymddiriedolaeth Iechyd Cyhoeddus Cymru, trwy'r Cyfarwyddwr Gwasanaethau Heintiau ac Arweinydd Clinigol y Gwasanaethau Heintiau i Fwrdd Iechyd Prifysgol Hywel Dda. Yn ddelfrydol, disgwylir i ymgeiswyr fod yn Gymrawd Coleg Brenhinol y Patholegwyr a/neu'n Aelod o Goleg Brenhinol y Meddygon.
Prif ddyletswyddau'r swydd
Bydd ymgeiswyr
- wedi’u cofrestru’n llawn ac yn meddu ar Drwydded i Ymarfer gyda'r Cyngor Meddygol Cyffredinol a byddant wedi cwblhau o leiaf 12 mlynedd o waith meddygol (naill ai cyfnod parhaus neu i gyd) ers ennill cymhwyster meddygol sylfaenol, gan weithio am o leiaf chwe blynedd mewn arbenigedd clefydau heintus neu ficrobioleg yn y graddau Meddyg Arbenigol a/neu SAS caeedig. Bydd profiad blynyddoedd cyfatebol mewn arbenigedd perthnasol ar raddau meddygol eraill gan gynnwys o dramor yn cael ei dderbyn hefyd.
- yn bodloni'r meini prawf a nodir yn y fframwaith o alluoedd cyffredinol ar gyfer gradd Arbenigol
Gall yr ymgeisydd llwyddiannus ddisgwyl cael cynnig cytundeb anrhydeddus gyda Bwrdd Iechyd Prifysgol Hywel Dda.
Gweithio i'n sefydliad
Ni yw Iechyd Cyhoeddus Cymru - asiantaeth iechyd cyhoeddus genedlaethol Cymru. Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol.
Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru. Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd.
Caiff ein sefydliad ei arwain gan ein gwerthoedd 'Cydweithio, gydag ymddiriedaeth a pharch, i wneud gwahaniaeth'. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant. Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.
I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)
I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)
Swydd ddisgrifiad a phrif gyfrifoldebau manwl
Arweinyddiaeth a chyfathrebu strategol a phroffesiynol:
Bydd y sawl a benodir yn sicrhau diwylliant o gynnal a gwella ansawdd yn barhaus. Yn y rôl hon, bydd y sawl a benodir yn gwneud y canlynol:
- Hyrwyddo gwaith tîm amlbroffesiynol yn yr adran
- Sicrhau prosesau cyfathrebu a gwaith tîm priodol gyda gwasanaethau eraill oddi mewn i Ymddiriedolaeth Iechyd Cyhoeddus Cymru a gwasanaethau mewn Ymddiriedolaethau, Byrddau Iechyd, a chymunedau iechyd eraill sy'n cael eu gwasanaethu gan Adran Ficrobioleg Bwrdd Iechyd Prifysgol Hywel Dda.
- Cyfrannu at gyfarfodydd yr adran
- Cyfrannu at ddatblygiadau a gwelliannau i'r gwasanaeth
- Cyfrannu at ddatblygu llwybrau sy'n canolbwyntio ar gleifion
- Cyfrannu at archwilio clinigol, adolygu, a chynllunio gwasanaethau
- Datblygu achosion busnes fel sy'n briodol
- Cyfrannu at ddatblygu'r gwasanaeth yn unol ag amcanion rhwydwaith Gwasanaeth Heintiau Ymddiriedolaeth Iechyd Cyhoeddus Cymru a'r agenda Moderneiddio Patholeg genedlaethol a lleol
- Ymgynghori â phob adran o'r gwasanaeth ar newidiadau, gan gynnwys caffael offer
- Cyfrannu at ddatblygu a chryfhau cysylltiadau gwaith gyda darparwyr a chomisiynwyr gofal sylfaenol/cymunedol.
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Manyleb y person
CYRHAEDDIADAU ADDYSGOL A GALWEDIGAETHOL
Meini prawf hanfodol
- Cofrestriad llawn a Thrwydded i Ymarfer gyda'r Cyngor Meddygol Cyffredinol;
- ac wedi cwblhau o leiaf ddeuddeg mlynedd o hyfforddiant ôl-radd llawn amser (neu gyfnod cyfatebol ar sail rhan-amser neu hyblyg), gan gynnwys o leiaf bedair blynedd mewn rhaglen hyfforddi arbenigol Clefydau Heintus neu Ficrobioleg, neu brofiad a chymwyseddau cyfatebol
Meini prawf dymunol
- MRCP neu gymhwyster cyfatebol
- FRCPath neu gymhwyster cyfatebol
- CCT/ cymhwyster cyfatebol (yn ddelfrydol ym maes Microbioleg a/neu Glefydau Heintus)
DONIAU A SGILIAU ARBENNIG
Meini prawf hanfodol
- Ymrwymiad i waith tîm
- Ymrwymiad i ddatblygiad gyrfa
- Hunan-gymhelliant, rhagweithiol, arloesol
- Gallu blaenoriaethu gwaith ac ymdopi â newid ac ansicrwydd
- Sgiliau cyfathrebu llafar ac ysgrifenedig
Meini prawf dymunol
- Meddyliwr strategol
- Rheoli staff
- Diddordeb a Phrofiad o OPAT
DIDDORDEBAU
Meini prawf hanfodol
- Profiad mewn addysgu meddygol israddedig ac ôl-radd
YMAGWEDD
Meini prawf hanfodol
- Gallu addasu i sefyllfaoedd a thrin pobl o bob gallu ac agwedd
- Sgiliau dylanwadu a rhyngbersonol effeithiol
GOFYNION ARBENNIG
Meini prawf hanfodol
- Rhaid bod yn barod i breswylio o fewn pellter teithio rhesymol i'r labordy, a rhaid bod yn barod i deithio a gweithio ar safleoedd yn unol â gofynion y rôl
Meini prawf dymunol
- Siaradwr Cymraeg
Gofynion ymgeisio
Rhaid i chi gael cofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Dogfennau i'w lawrlwytho
Rhagor o fanylion / cyswllt ar gyfer ymweliadau anffurfiol
- Enw
- Harsha Perera
- Teitl y swydd
- Service Lead
- Cyfeiriad ebost
- [email protected]
- Rhif ffôn
- 01554 783574
Rhestr swyddi gyda Ymddiriedolaeth GIG Iechyd Cyhoeddus Cymru yn Meddygol a deintyddol neu bob sector