NHSJobs.com

Trosolwg o'r swydd

Mae cyfle cyffrous wedi codi ar gyfer Uwch Reolwr Cadwyn Gyflenwi band 4 wedi’i leoli yn Warws Rhanbarthol Pen-y-bont ar Ogwr sy'n gwasanaethu'r safle Derbyn a Dosbarthu (R&D) ar draws De a Gorllewin Cymru. Byddwch yn gweithio ochr yn ochr â Rheolwyr Safle Rhanbarthol, Rheolwyr Cynorthwyol Cadwyn Gyflenwi Rhanbarthol i sicrhau bod yr holl Storfeydd Derbyn a Dosbarthu yn cydymffurfio ac yn gweithio o fewn egwyddorion a pholisïau’r adran. Mae’r rôl yn un amrywiol a bydd angen i chi deithio i’r safleoedd Derbyn a Dosbarthu i gynorthwyo cyflawni ein Cynllun Tymor Canolig Integredig [IMTP] o ran moderneiddio prosesau, adolygu gweithdrefnau yn unol â System Rheoli Dogfennau PCGC [DMS], gan weithio’n agos gyda’r holl reolwyr/rhanddeiliaid i gyflawni'r canlyniad gofynnol. Prif gyfrifoldeb y rôl yw cefnogi pob safle gydag Archwiliadau Mewnol/Allanol, cefnogi Darpariaeth Gyflenwi Rheolwyr Safleoedd lle bo angen ynghyd â chefnogi/hyrwyddo Iechyd a Diogelwch ar safleoedd.  

Prif ddyletswyddau'r swydd

Gweler y Swydd-ddisgrifiad atodedig am fanylion pellach.

Goruchwylio dosbarthiad Llwyth Gwaith i staff yn unol â pholisi a phroses.

Sicrhau bod adnoddau ac offer digonol ar gael ar gyfer llwythi gwaith dyddiol.
 

Bod yn gyfrifol am ddiogelwch cyffredinol yr ardal Derbyniadau.
 

Goruchwylio gweithgarwch staff gan sicrhau bod y gwasanaeth yn darparu ar gyfer ac yn bodloni'r safon ofynnol ar gyfer Cwsmeriaid.
 

Pan fo angen, goruchwylio’r gwaith o ddyrannu staff i wahanol dasgau dyddiol i gynnal gweithrediad storfeydd effeithiol ac effeithlon.
 

Cynnal a diweddaru gwybodaeth benodol yn unol â gweithdrefnau ansawdd.
 

Cynorthwyo i ddadlwytho cerbydau yn brydlon ac yn briodol a llwyfannu eitemau i'w dosbarthu.
 

Arolygu a goruchwylio'r broses dderbyn.
 

Cynorthwyo Rheolwyr i weithredu moderneiddio prosesau.
 

Helpu i fonitro perfformiad staff, gan ddefnyddio dulliau archwilio amrywiol i ddadansoddi'r wybodaeth.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.