Swydd wag: Ymarferydd Iechyd y Cyhoedd (Polisi ac Eiriolaeth), Ymddiriedolaeth GIG Iechyd Cyhoeddus Cymru, Caerdydd

Crynodeb o'r swydd

Prif leoliad

Polisi ac Iechyd Rhyngwladol, Canolfan Gydweithredol Sefydliad Iechyd y Byd ar Fuddsoddi ar gyfer Iechyd a Llesiant

Gradd

Gradd 7

Contract

Cyfnod Penodol: 7 mis (Tymor Sefydlog neu Secondiad tan 31ain Mawrth 2025)

Oriau

Llawnamser
Gweithio hyblyg
Gweithio gartref neu o bell

37.5 awr yr wythnos

Cyfeirnod y swydd

028-AC153-0524-A

Cyflogwr: Ymddiriedolaeth GIG Iechyd Cyhoeddus Cymru
Math o gyflogwr: NHS
Gwefan: Caerdydd/ Wrecsam/ Abertawe
Tref: Caerdydd
Cyflog: £44,398 - £50,807 Y Flwyddyn
Cyfnod cyflog: Yn flynyddol
Yn cau: 31/07/2024 23:59

Ymarferydd Iechyd y Cyhoedd (Polisi ac Eiriolaeth)

Gradd 7

Croeso i Iechyd Cyhoeddus Cymru, asiantaeth iechyd cyhoeddus genedlaethol Cymru

Ein gweledigaeth yw Gweithio i wireddu dyfodol iachach i Gymru

Am ragor o wybodaeth amdanom, ewch i’n tudalen hafan, darllenwch am ein cynllun strategol

Rydym yn croesawu ceisiadau gan bobl sy’n rhannu ein gwerthoedd o Gydweithio, gydag ymddiriedaeth a pharch, i wneud gwahaniaeth

Dilynwch ni ar Twitter, Facebook, LinkedIn and Instagram

Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.

Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.

Swydd ddisgrifiad a phrif gyfrifoldebau manwl

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.

Manyleb y person

Cymwysterau

Meini prawf hanfodol

Lefel meistr neu brofiad cyfatebol
Gradd Uwch gydag elfen ymchwil gref

Profiad

Meini prawf hanfodol

Profiad amlwg o ddadansoddi polisi, deall cyd-destunau gwleidyddol a pholisi, a dod o hyd i atebion ee trwy ddatblygu cynigion polisi cadarn
Profiad o gynnal ymchwil sy'n berthnasol i iechyd y cyhoedd neu bolisi
Profiad o ddatblygu a rheoli perthnasoedd â rhanddeiliaid
Profiad o ymgysylltu â'r llywodraeth a/neu sefydliadau rhanddeiliaid i ddylanwadu ar lunwyr polisi
Profiad o arwain prosiectau neu raglenni

Gwybodaeth, Sgiliau a Phriodoleddau

Meini prawf hanfodol

Sgiliau eiriolaeth a dylanwadu polisi trwy adeiladu perthnasoedd dylanwadol, gyda'r gallu i gyflwyno materion cymhleth mewn arddull berswadiol, hygyrch i ystod o gynulleidfaoedd ac mewn gwahanol leoliadau
Gallu i gymhathu materion/meysydd polisi newydd yn gyflym, gwneud cysylltiadau rhwng gwahanol feysydd polisi, a chychwyn a fframio agendâu polisi newydd
Gwybodaeth am ystod o ddulliau ac agweddau ymchwil
Sgiliau trefnu rhagorol gyda'r gallu i flaenoriaethu eich gwaith eich hun a gwaith eraill yn effeithiol ac addasu i flaenoriaethau newidiol ac amgylcheddau hyblyg
Sgiliau ysgrifennu rhagorol a sylw i fanylion
Sgiliau rheoli prosiectau a/neu raglenni
Gallu i gyfathrebu gwybodaeth gymhleth yn ysgrifenedig ac ar lafar, mewn lleoliadau ffurfiol ac anffurfiol ac i wahanol gynulleidfaoedd
Tystiolaeth o ymrwymiad i ddatblygiad proffesiynol parhaus
Gallu amlwg i weithio fel rhan o dîm amlddisgyblaeth
Gallu amlwg i weithio dan bwysau, cynllunio a rheoli eich llwyth gwaith eich hun a chynllunio gwaith ymlaen llaw i gwrdd â therfynau amser
Gallu amlwg i ysgogi eich hun ac eraill

Ceidw Iechyd Cyhoeddus Cymru yr hawl i gau’r swydd wag hon yn gynnar. Felly rydym yn annog ceisiadau cynnar.

Rhoddir blaenoriaeth i staff sy’n aros i gael eu hadleoli. Rydym yn cadw’r hawl felly i dynnu’r hysbyseb hon yn ôl ar unrhyw adeg.

Os oes gennych anabledd a bod gennych unrhyw anghenion penodol i'ch galluogi i gymryd rhan yn y broses ymgeisio, cysylltwch â [email protected]

Os byddwch yn llwyddiannus ac os cewch eich dewis ar gyfer y rhestr fer am gyfweliad, cysylltir â chi ar e-bost gan ddefnyddio’r cyfeiriad a ddefnyddiwyd gennych i gofrestru. Sicrhewch eich bod yn edrych ar eich cyfrif e-bost yn rheolaidd.

Rydym wedi ymrwymo i recriwtio teg a thryloyw ac rydym yn credu mewn cyfle cyfartal yn ein gweithle. Ni fyddwn yn goddef gwahaniaethu ar sail oedran, anabledd, hunaniaeth rywiol, crefydd neu gred, hil neu genedligrwydd, priodas neu bartneriaeth sifil, rhyw, cyfeiriadedd rhywiol, patrwm gwaith, cyfrifoldebau gofalu, gweithgarwch gydag undebau llafur neu gredoau gwleidyddol – nac ar unrhyw sail arall. Croesawn geisiadau gan unigolion a ddymunent weithio’n rhan-amser neu wneud cais i rannu swydd.

I weithio yn y DU, mae angen nawdd ar bob ymgeisydd nad yw'n wladolyn o'r DU neu Weriniaeth Iwerddon i gael naill ai fisa Gweithiwr Iechyd a Gofal neu fisa Gweithiwr Medrus, oni bai bod gennych ganiatâd i weithio trwy lwybr arall. Dylai ymgeiswyr nad ydynt yn rhan o'r DU/Gweriniaeth Iwerddon sy'n dymuno gwneud cais hunanasesu'u tebygolrwydd o gael Tystysgrif Nawdd trwy ymweld â gwefan Fisâu a Mewnfudo'r DU. Os ydych chi'n gymwys i gael y fisa Iechyd a Gofal, mae'r costau ymgeisio yn is ac nid oes angen i chi dalu Gordal Iechyd Mewnfudo blynyddol.

Mae'r raddfa gyflog a ddangosir ar gyfer aelod o staff llawn amser, a chaiff y swm ei addasu pro rata ar gyfer y rhai sy'n gweithio llai na 37.5 awr yr wythnos.

Gellir gweld Graddfeydd Cyflog GIG Cymru yma.

Yn gyffredinol, bydd unrhyw un sy'n ymuno â'n Hymddiriedolaeth nad yw wedi gweithio yn y GIG o'r blaen, yn cychwyn ar bwynt cyntaf y band tâl a hysbysebir yn awtomatig. Yna bydd datblygiad cyflog yn cael ei bennu gan Adolygiadau Perfformiad a Datblygu blynyddol yn unol â Pholisi Datblygiad Cyflog GIG Cymru. Gellir ystyried cais am Gredyd Cynyddol, ond dim ond ar sail gwasanaeth cyfrifadwy â thystiolaeth a/neu brofiad cyfatebol, perthnasol y gellir ei ddyfarnu.