NHSJobs.com

Prif ddyletswyddau'r swydd

Oes gennych ymagwedd hyblyg at y gwaith? Allwch chi ymrwymo i rywbeth ar fyr rybudd? Mae PCGC ar hyn o bryd yn chwilio am unigolion hyblyg a brwdfrydig i ymuno â'r Banc Clerigol.

Gallwn addo rôl werth chweil sy’n rhoi boddhad ichi mewn adran brysur. Os ydych chi'n ddibynadwy, yn weithgar ac mae gennych agwedd hyblyg tuag at weithio ac y byddai gennych ddiddordeb yn ein helpu, hoffem glywed gennych. Mae'r cyfle hwn yn cynnig gweithio hyblyg ac yn hyrwyddo cydbwysedd rhwng bywyd a gwaith.

Sylwch mai swydd Fanc yw hon, ac nid yw'n swydd barhaol. Nid yw’r Banc yn cynnig oriau gwarantedig.

Sylwch y bydd y swydd wag hon yn cau ar ôl i ni dderbyn nifer cyfyngedig o geisiadau.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg ymgeisio.

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.