NHSJobs.com

Trosolwg o'r swydd

Mae Gwasanaethau Cyfreithiol a Risg yn is-adran o Bartneriaeth Cydwasanaethau GIG Cymru sy’n darparu gwasanaeth cynghori cyfreithiol cynhwysfawr i'r GIG. 
Ein Gwerthoedd Craidd, sy'n bwysig o ran sut rydym yn gweithio gyda'n cleientiaid a sut rydym yn cefnogi ein cydweithwyr, yw:
• Gwrando a Dysgu
• Gweithio gyda’n gilydd
• Cymryd cyfrifoldeb
• Arloesi
Mae gennym gyfle cyffrous i gyfreithiwr iau ymuno â'n Tîm Cwestau. Rydym yn cynghori ac yn cynrychioli GIG Cymru gyfan. 
Mae'r mathau o achosion rydym fel arfer yn eu cynghori arnynt yn cynnwys rhai sy’n ymwneud â’r meysydd canlynol:
• Iechyd Meddwl
• Marwolaethau mewn carchardai
• Cwympiadau
• Sepsis
• Marwolaethau mamau a babanod newyddenidigol
• Cyffuriau/alcohol
• Marwolaethau yn ystod neu ar ôl llawdriniaeth.

Mae'r Tîm yn arbenigwyr yn eu maes ac maent yn cael cyfarwyddyd rheolaidd mewn achosion newydd a phroffil uchel. Rydym yn gweithio'n agos gyda thimau clinigol a diogelwch cleifion ein cleientiaid.
Mae gwaith Cyfreithiol a Risg wedi'i gydnabod trwy’r gwobrau rydym wedi'u hennill. Ein nod yw gwthio ffiniau a pharhau i ddatblygu ffyrdd o gefnogi gwaith pwysig y GIG.

Prif ddyletswyddau'r swydd

Byddwch yn gyfrifol am adolygu cofnodion/adroddiadau meddygol, drafftio gohebiaeth i gael tystiolaeth a chynorthwyo i baratoi cyngor i gleientiaid, datganiadau tystion, bwndeli llys, a chyfarwyddiadau i’r cwnsler. 
Rydym wedi ymrwymo i ddatblygiad a llesiant ein staff. Byddwch yn cael eich cefnogi gan Reolwr Tîm a nifer o uwch gyfreithwyr eraill. 
 
Rhaid i'r ymgeisydd delfrydol ar gyfer y swydd hon feddu ar sgiliau cyfathrebu da, dull hyderus o weithio a’r gallu i ddangos ein gwerthoedd craidd. Bydd angen empathi a sensitifrwydd oherwydd natur bersonol iawn yr achosion rydym yn delio â nhw. 
 
Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais.

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella.

Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb.

Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.