NHSJobs.com

Trosolwg o'r swydd

Rydym yn cynnig cyfle i Arweinydd Clinigol Datblygu Ymchwil ac Arloesedd ymuno â’r Rhwydwaith Clinigol Strategol Cenedlaethol ar gyfer Canser, sy’n rhan o Weithrediaeth GIG Cymru (ac a gynhelir gan Iechyd Cyhoeddus Cymru). Mae'r Rhwydwaith Clinigol Strategol Cenedlaethol ar gyfer Canser yn dod â gweithwyr proffesiynol meddygol, clinigol a phrosiect ynghyd mewn tîm cefnogol a deinamig. 

Mae hwn yn gyfle cyffrous iawn i Arweinydd Clinigol sy'n gweld gwerth ymchwil yn elfen bwysig o wella canlyniadau canser ac yn elfen allweddol o System Gofal Iechyd sy'n dysgu’n barhaus. Rydym yn chwilio am Arweinydd Clinigol Datblygu Ymchwil ac Arloesedd i ymuno â’r tîm presennol, i weithio ar y cyd gan ddarparu gwybodaeth ac arweinyddiaeth arbenigol ledled Cymru. Bydd y rôl hon yn cynnwys un sesiwn glinigol yr wythnos, er ein bod yn archwilio a allwn weithio gyda rhaglenni cenedlaethol eraill i gynyddu hyn. Mae angen i'r ymgeisydd llwyddiannus fod yn gweithio ar lefel ymgynghorydd (meddygol neu arall), i ymgymryd â'r rôl arweinyddiaeth glinigol heriol hon. Bydd disgwyl iddynt ddarparu cyfeiriad strategol ac arbenigedd ar gyfer y Rhaglen Ymchwil ac Arloesedd ac i Safleoedd Canser e.e. ysgyfaint, y fron, gastroberfeddol ac ati, i Grwpiau Clinigol eraill (SACT), Radiotherapi, Llawfeddygaeth ac ati ac i Dimau Llwybrau Optimaidd Cenedlaethol, o fewn y Rhwydwaith Canser.

Prif ddyletswyddau'r swydd

Fel Arweinydd Clinigol ar gyfer Ymchwil ac Arloesi o fewn y Rhwydwaith Clinigol Strategol Cenedlaethol ar gyfer canser, bydd deiliad y swydd yn gweithio mewn partneriaeth i ddatblygu a chyflawni nodau ac amcanion y rhwydwaith, gan ganolbwyntio ar nodi, cefnogi datblygu ac ymwreiddio’r ymchwil a'r arloesedd yn llwybrau gorau cenedlaethol ar gyfer canser ac ar draws gwasanaethau canser.

·         Cefnogi'r Arweinydd Clinigol Rhwydwaith a Rheolwr Rhwydwaith gydag agweddau a chyfleoedd ymchwil ac arloesi o fewn rhaglen waith y rhwydwaith.

·         Gweithio gyda chydweithwyr clinigol a rheolaethol i gefnogi a meithrin integreiddio ymchwil ac arloesi i fusnes craidd gwasanaethau canser yng Nghymru.

·         Darparu arweinyddiaeth glinigol o fewn y rhwydwaith ar gyfer cynllun gwaith y tîm ymchwil ac arloesi.

·         Darparu arweinyddiaeth a gweithio gyda chydweithwyr i ysgogi gwelliant mewn ymchwil glinigol o fewn gwasanaethau yng nghwmpas y rhwydwaith.

·         Dylanwadu ar gynllunio gwasanaethau cynaliadwy yn unol â'r disgwyliadau a nodir yn y Fframwaith Clinigol Cenedlaethol.

·         Cyfrannu'n strategol at wella ansawdd a gwerth gwasanaethau gofal iechyd trwy ymchwil ac arloesi.

·         Arwain, cefnogi a hyrwyddo’r gwaith o ledaenu a gweithredu arfer gorau a safonau ledled Cymru.

Gweithio i'n sefydliad

MAE’R SWYDD HON AM GYFNOD SECONDIAD AM 8 MIS OHERWYDD CYLLIDO 

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)