NHSJobs.com

Trosolwg o'r swydd

Fel Uwch Ddadansoddwr Cymorth Ffurfweddu, byddwch yn ffurfweddu ein System Rheoli Gwybodaeth Labordy Cymreig (WLIMS) i ofynion a safonau labordai patholeg ar draws GIG Cymru. Byddwch yn helpu i ddatblygu dogfennaeth ar gyfer cymorth system/defnyddiwr ac yn cyfrannu at ddatblygu prosesau sicrwydd clinigol. Ochr yn ochr â’r dyletswyddau hyn byddwch yn cymryd y rôl arweiniol wrth brofi WLIMS.

Bydd hyn yn cynnwys:

Cymryd rôl arweiniol wrth gynhyrchu data profion a datblygu strategaethau profi perthnasol.
Ysgrifennu a gweithredu cynlluniau prawf a sgriptiau prawf.
Goruchwylio gweithrediad y cynlluniau a’r sgriptiau prawf hynny.
Cydweithio â chyflenwyr trydydd parti a thimau mewnol i sicrhau bod meddalwedd a rhyngwynebau’n cael eu profi’n briodol.
Cynorthwyo tîm cymorth gweithredol WLIMS gyda phob agwedd ar newid gweithredol.

Wrth wneud hynny, byddwch yn dysgu ac yn cyfrannu at fframwaith brofi IGDC a’r rheolau sy’n llywodraethu sut rydym yn profi. Byddwch hefyd yn gwella eich sgiliau trwy gyfrannu at eich Cynllun Datblygu Personol (CDP).

Prif ddyletswyddau'r swydd

Pa feddalwedd fyddwch chi’n ei ffurfweddu a’i phrofi?

Defnyddir System Rheoli Gwybodaeth Labordy Cymru (WLIMS) gan staff patholeg i gofnodi a chyfnewid gwybodaeth megis canlyniadau profion ar gyfer disgyblaethau lluosog. Bydd hyn yn cynnwys trosglwyddo gwybodaeth i gymwysiadau clinigol eraill GIG Cymru i sicrhau dull profi “o un pen i’r llall”.
Intersystems TrakCare Lab a TrakCare Lab Enterprise
Intersystems IRIS
Integreiddio data â chymwysiadau clinigol eraill GIG Cymru a thrydydd parti

Pa sgiliau sydd eu hangen arnoch chi?

Byddwch yn wrandäwr da, byddwch chi’n gallu dadansoddi gwybodaeth ac yn hyderus wrth ofyn cwestiynau
Profiad o weithio mewn labordy patholeg
Cyfathrebwr da sy’n gallu mynegi eich syniadau a’ch barn yn glir
Byddwch yn gyfforddus yn cymeradwyo cyfnodau prawf. Byddwch yn ofalus wrth ystyried barn pobl eraill ond yn hyderus i amddiffyn eich casgliadau.
Gallu cynnal perthynas â thimau prawf eraill.

·         Gwahoddir ceisiadau gan unigolion sydd â chefndir yn gweithio mewn labordai diagnostig gyda gwybodaeth am brosesau labordy Patholeg neu Systemau Rheoli Gwybodaeth Labordy, ac sy’n awyddus i ddatblygu eu sgiliau mewn amgylchedd Technoleg Gwybodaeth.

·         Gwybodaeth am y gwahanol ddisgyblaethau Patholeg

·         Gwybodaeth am reoliadau GxP a dilysu systemau

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Mae Iechyd a Gofal Digidol Cymru (DHCW) yn rhan o deulu GIG Cymru ac mae ganddo rôl bwysig wrth newid y ffordd y darperir gwasanaethau iechyd a gofal trwy dechnoleg a data. Mae’r sefydliad yn cefnogi staff rheng flaen gyda systemau modern a mynediad at wybodaeth bwysig am eu cleifion, wrth rymuso pobl Cymru i reoli eu hiechyd eu hunain trwy wasanaethau digidol GIG Cymru.

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.

Ymunwch â'n tîm trawsnewidiol sy’n achub bywydau a dechrau gwneud gwahaniaeth go iawn i wasanaethau iechyd a gofal yng Nghymru.