Trosolwg o'r swydd

Rydym yn awyddus i benodi Uwch Nyrs Arweiniol Endosgopi profiadol ar gyfer Academi Endosgopi Cymru. Bydd y rôl yn cynnwys gweithio gyda’r Arweinydd Clinigol a’r Dirprwy Arweinydd i wneud cyfraniad canolog at ddatblygu a darparu rhaglenni hyfforddi o ansawdd uchel ar gyfer gweithlu Endosgopi GIG Cymru. Byddant hefyd yn arwain staff cymorth yr Academi Endosgopi. Mae’r swydd hon yn gyfle unigryw i rywun sydd â phrofiad o weithio ym maes endosgopi, ac sydd â gwybodaeth a phrofiad o ddysgu ac addysg seiliedig ar waith, i lunio dyfodol hyfforddiant endosgopi yng Nghymru. Bydd yr ymgeisydd llwyddiannus hefyd yn gweithio ochr yn ochr â'r Arweinydd Endosgopi Clinigol.

Mae'r swydd hon yn cael ei chynnig fel cyfle secondiad yn unig. Os dymunwch wneud cais, rhaid i chi gael cymeradwyaeth eich rheolwr llinell cyn ymgeisio. Mae’r swydd hon am gyfnod secondiad penodol ond gellir ei hymestyn neu ei gwneud yn barhaol ar ddiwedd y cyfnod secondiad yn dibynnu ar y cyllid sydd ar gael a’r gofynion busnes.

Prif ddyletswyddau'r swydd

Bydd yr Uwch Nyrs Arweiniol Endosgopi yn ganolog i gyflwyno’r rhaglen hyfforddi Endosgopi ar gyfer gweithlu Endosgopi GIG Cymru. Byddant yn datblygu, yn cyflwyno ac yn gwerthuso cyrsiau ar gyfer nyrsys, gweithwyr cymorth gofal iechyd, arweinwyr, rheolwyr a staff gweinyddol. Gan weithio fel rhan o dîm arwain yr Academi ac arwain tîm o staff cymorth, byddant yn datblygu ac yn mireinio llywodraethu’r Academi, yn sicrhau ansawdd gwaith yr Academi, ac yn cefnogi’r gwaith o ddarparu addysg a hyfforddiant o ansawdd uchel ledled Cymru. Bydd y cymorth hwn yn cynnwys elfen logistaidd a gweithredol a bydd yn cynnwys teithio i safleoedd ledled Cymru. Byddant yn sicrhau bod yr Academi Endosgopi yn gweithredu o fewn strwythur rhaglen effeithiol, llywodraethu a system fonitro.

Bydd yr ymgeisydd llwyddiannus yn cael y cyfle i gynrychioli Academi Endosgopi Cymru mewn fforymau cenedlaethol, rheoli perthnasoedd â rhanddeiliaid a chyfathrebu’n effeithiol ag amrywiaeth o bartneriaid. Byddant hefyd yn cynrychioli’r Academi mewn grwpiau perthnasol ac yn cysylltu ag academïau endosgopi eraill a Chymdeithas Gastroenteroleg Prydain, gan gynnal statws achredu JAG ar gyfer yr academi trwy gyflwyno allbwn, adborth, a dadansoddi effaith.

Mae'r gallu i siarad Cymraeg yn ddymunol ar gyfer y swydd hon. Mae croeso cydradd i siaradwyr Cymraeg a  Saesneg ymgeisio.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?