Trosolwg o'r swydd

Rydym am benodi unigolyn brwdfrydig, llawn cymhelliant i ymuno â'r tîm Cadw Cyfrifon Ariannol o fewn Addysg a Gwella Iechyd Cymru. Bydd y swydd yn cynorthwyo'r Cyfrifydd Ariannol i ddarparu gwasanaeth o safon uchel i'r tîm cyllid a'r gyfundrefn ehangach. Bydd y rôl yn rhoi profiad i’r unigolyn o ystod eang o dasgau ariannol ac yn gyfle gwych i ehangu ei sgiliau cyfrifeg.

Prif ddyletswyddau'r swydd

Bydd deiliad y swydd yn gyfrifol am ystod eang o dasgau gan gynnwys: -

• Gweinyddu a chynnal y system Cyfrifon Derbyniadwy, gan gynnwys rheoli ac adennill dyledion allanol.
• Cyfrannu at brosesau Cyfrifon Taladwy trwy ddatrys ymholiadau sy’n ymwneud ag anfonebau, cynnal adroddiadau ‘anfonebau gohiriedig’ a monitro cydymffurfio â thargedau Polisi Talu'r Sector Cyhoeddus (PSPP).
• Cynorthwyo'r Cyfrifydd Ariannol i gynnal y prosesau cyfrifyddu ariannol, gan gynnwys sicrhau bod yr holl drafodion yn cael eu cofnodi'n gywir o fewn system ORACLE.
• Paratoi a mewnbynnu cofnod o’r taliadau i'w rhoi yn y cyfriflyfr cyffredinol.
• Ymgymryd â chysoniadau i’r fantolen fisol.
• Helpu i baratoi apurau gwaith ar gyfer Adroddiad Blynyddol AaGIC.
• Cynorthwyo gyda'r ymarfer Cytuno Balansau ar gyfer y Bwrdd Iechyd yn unol â'r amserlen.
• Rheoli'r Cynllun dirprwyo a lefelau cymeradwyo a sicrhau bod y system ariannol yn adlewyrchu'r sefyllfa awdurdodedig.

Bydd hefyd yn ofynnol i ddeiliad y swydd ddarparu cymorth i rolau eraill o fewn yr Adran Gyllid ac adrannau eraill o fewn AaGIC yn ôl yr angen.

Mae'r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?