NHSJobs.com

Trosolwg o'r swydd

Mae cyfle cyffrous wedi codi o fewn Gwasanaethau Caffael, y Gadwyn Gyflenwi, Logisteg a Chludiant Partneriaeth Cydwasanaethau GIG Cymru (PCGC). Dyma gyfle gwych i ddatblygu eich gyrfa mewn amgylchedd deinamig, heriol a phroffil uchel yn genedlaethol. Bydd angen personoliaeth wydn arnoch a byddwch yn gallu talu sylw manwl i fanylion. Bydd angen hanes o gefnogi datrysiadau gweithio creadigol ac arloesol i fod yn llwyddiannus yn y rôl hon hefyd,

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais.

Prif ddyletswyddau'r swydd

"Bydd y Cynorthwyydd Cymorth Systemau/Gwasanaethau Warws yn darparu cefnogaeth ar draws 3 adran a 2 safle:

Tîm Cymorth Gwasanaeth Warws (WSST) - Casnewydd a Phen-y-bont ar Ogwr
Tîm Systemau Cadwyn Gyflenwi - Casnewydd a Phen-y-bont ar Ogwr
Sganio Er Diogelwch (Supply X) - Pen-y-bont ar Ogwr

Trefnu a gweithredu ystod o systemau/dyletswyddau gweinyddol ar ran Cadwyn Gyflenwi, Logisteg a Thrafnidiaeth Partneriaeth Cydwasanaethau GIG Cymru (PCGC)."

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.