NHSJobs.com

Trosolwg o'r swydd

Mae Sgrinio Llygaid Diabetig Cymru (DESW) yn sefydlu tîm rhanbarthol newydd yn y Drenewydd, Powys, fel rhan o’n prosiect trawsnewid Canolbarth Cymru. Dyma’ch cyfle i fod yn aelod o dîm deinamig sy’n ymroddedig i ddarparu gwasanaeth sgrinio rhagorol, a sicrhau mynediad cyfartal i wasanaethau sgrinio llygaid ledled Cymru.

Am y Rôl:

Rydym yn chwilio am uwch sgriniwr retinol brwdfrydig ac ymroddedig i ymuno â'n tîm newydd. Rydym yn chwilio am unigolyn sy'n brofiadol wrth arwain tîm, yn gyfathrebwr rhagorol, ac yn ddatryswr problemau cymwys, yn ogystal â rhywun sy’n meddu ar y gallu i fod yn ymarferol ac yn hyblyg wrth deithio ledled Canolbarth Cymru.

Darperir dolen i’r rhaglen isod:

Sgrinio Llygaid Diabetig Cymru - Iechyd Cyhoeddus Cymru (nhs.wales)

Mae 'Trwydded yrru weithredol lawn a dilys y DU' yn hanfodol ar gyfer y swydd hon.

Cyfweliadau wyneb yn wyneb. Ni fydd cyfweliadau ar-lein yn cael eu hystyried.

Cynhelir y cyfweliadau dydd Mawrth 6 Awst.

Prif ddyletswyddau'r swydd

Cyfrifoldebau Allweddol:

• Bod yn rheolwr llinell ar garfan o weithwyr cymorth gofal iechyd sy’n ymgymryd â gwaith sgrinio
• Cefnogi cyflenwi gwasanaethau, ymateb i faterion gweithredol lleol (e.e. danfon stoc ac offer i safleoedd anghysbell, trefnu atgyweirio cerbydau).
• Bydd angen i ddeiliad y swydd fod yn hynod weladwy er mwyn cynnal cysylltiadau cyfathrebu cryf â'i staff ei hun ac unigolion ar draws tîm ehangach Cymru Gyfan.
• Rheoli tîm o ddydd i ddydd; gan gynnwys absenoldebau, hyfforddiant, datblygiad a pherfformiad.
• Cyflwyno clinigau’n uniongyrchol yn rôl sgriniwr ar sail rota, yn ogystal â chefnogi’r tîm i arwain cyfranogwyr trwy apwyntiadau sgrinio, gan gadw cofnodion cywir (gweinyddu diferion llygaid a chymryd delweddau o’r retina).
• Sicrhau y cedwir at brotocolau DESW a gweithdrefnau gweithredu safonol.
• Gweithio tuag at ennill Diploma mewn sgrinio retinol i ymarfer yn annibynnol, gyda hyfforddiant a chefnogaeth lawn yn cael eu darparu.

Sgiliau a Phrofiad Dymunol:

• Sgiliau cyfathrebu rhagorol a phrofiad o arwain tîm (o fewn amgylchedd gofal iechyd yn fanteisiol)
• Mae profiad gyda chamerâu digidol SLR yn ddymunol; byddai profiad blaenorol gyda chamerâu ffwndws y retina yn fanteisiol.
• Hyblygrwydd i yrru Cerbyd Nwyddau Ysgafn yr Ymddiriedolaeth yn ddyddiol i leoliadau clinig ar draws Powys yn bennaf a theithio i ranbarthau eraill yng Nghymru weithiau.  

Gweler y swydd-ddisgrifiad a manyleb y person am ragor o fanylion.

Gweithio i'n sefydliad

Ni yw Iechyd Cyhoeddus Cymru - asiantaeth iechyd cyhoeddus genedlaethol Cymru. Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol. 

Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru. Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd.

Caiff ein sefydliad ei arwain gan ein gwerthoedd 'Cydweithio, gydag ymddiriedaeth a pharch, i wneud gwahaniaeth'. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)