NHSJobs.com

Trosolwg o'r swydd

Sefydlwyd y Gyfarwyddiaeth Cynllunio a Chyflawni Ariannol (“y Gyfarwyddiaeth”) i ddarparu cymorth proffesiynol i Lywodraeth Cymru ar gyfer ymateb i a chyflawni’r heriau ariannol sy’n wynebu GIG Cymru. Mae'r Gyfarwyddiaeth yn gweithredu ledled Cymru ac yn cefnogi holl sefydliadau GIG Cymru yn ôl yr angen. Mae hyn yn cynnwys:

Monitro a rheoli risg ariannol yn GIG Cymru, gan ymateb yn gyflym pan fo sefydliadau’n dangos arwyddion o bryder ariannol.

Cefnogi datblygiad cadarn a chyflwyniad cynlluniau ariannol ac adnoddau yn ystod y flwyddyn a dros y tymor canolig.

Gyrru’r Agenda Gwerth a Chynaliadwyedd ar gyfer GIG Cymru, gan weithio gyda sefydliadau GIG Cymru i sicrhau bod cyfleoedd ar gyfer effeithlonrwydd a gwelliant yn cael eu cyflawni.

Hyrwyddo ac ymgorffori arfer gorau o ran rheolaeth ariannol a defnyddio adnoddau.

Datblygu Canolfan Ragoriaeth ar gyfer Gwybodaeth a Deallusrwydd Ariannol, sy’n adlewyrchu costio, meincnodi, dyrannu adnoddau, a’r defnydd a wneir ohonynt, i helpu i ysgogi gwelliannau o ran effeithlonrwydd technegol a dyrannol ar draws GIG Cymru.

Cefnogi datblygiad Gofal Iechyd Seiliedig ar Werth o fewn GIG Cymru yn ôl yr angen.

Bydd y Gyfarwyddiaeth yn cyflawni'r agenda hon drwy feithrin perthnasau effeithiol o fewn ac ar draws Gweithrediaeth y GIG, GIG Cymru, a Llywodraeth Cymru, ac yn galluogi ‘r amcanion hyn i gael eu cyflawni.

Prif ddyletswyddau'r swydd

Bydd y Gyfarwyddiaeth yn cyflawni'r agenda hon drwy feithrin perthnasau effeithiol o fewn ac ar draws Gweithrediaeth y GIG, GIG Cymru, a Llywodraeth Cymru, ac yn galluogi ‘r amcanion hyn i gael eu cyflawni., a thimau eraill GIG Cymru gan gynnwys Cyfarwyddiaethau eraill o fewn Gweithrediaeth GIG. Mae'r Gyfarwyddiaeth Cynllunio a Chyflawni Ariannol yn angerddol am bobl a datblygiad proffesiynol, gyda rhaglen ddatblygu uchelgeisiol ar gyfer y tîm cyffredinol a holl aelodau'r tîm. Mae’r rôl hon yn gyfle delfrydol i rywun sy’n awyddus i ddatblygu eu sgiliau a’u profiadau ar draws agenda genedlaethol eang a chyffrous.

Eich cyfrifoldebau fydd darparu uwch arweinyddiaeth i elfennau penodol o bortffolio’r Uned, sy’n cynnwys:

• Darparu rôl cyswllt sefydliadol uniongyrchol i nifer o sefydliadau GIG Cymru;
• Darparu cymorth a her i sefydliadau GIG Cymru penodol yn unol â Threfniadau Uwchgyfeirio ac Ymyrryd Llywodraeth Cymru;
• Rhoi arweiniad ariannol i bwyllgorau a rhaglenni cenedlaethol sy'n archwilio cyfleoedd i wella gwerth a chynaliadwyedd ariannol o fewn GIG Cymru;
• Darparu'r rôl cymorth cyllid arweiniol i arweinwyr polisi Llywodraeth Cymru o fewn rhaglenni allweddol y GIG; ac
• Arwain ar ran y Gyfarwyddiaeth, y gwaith o reoli perthnasoedd a dysgu gan randdeiliaid allanol allweddol.

Gweithio i'n sefydliad

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)