NHSJobs.com

Trosolwg o'r swydd

Mae cyfle cyffrous wedi codi yn yr adran Gwasanaethau Clinigol Proffesiynol i Swyddog Gwasanaethau Ymgysylltu ymuno â'r tîm Cymorth Busnes.

Bydd deiliad y swydd yn rheoli’r tîm gweinyddol a leolir yn Nhŷ Cwmbrân, Pont-y-pŵl. Bydd yr ymgeisydd llwyddiannus yn gallu gweithio’n ystwyth a bydd disgwyl iddo weithio yn y swyddfa am ddau ddiwrnod yr wythnos.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Drwy weithio’n rhan o Wasanaethau Gofal Sylfaenol PCGC, byddwch yn derbyn nifer o fuddion rhagorol gan gynnwys;

Trefniadau gweithio hyblyg
Cyfleoedd Dysgu a Datblygu
Disgowntiau'r GIG mewn cannoedd o siopau
Cynllun Pensiwn y GIG
Gwobrau Cydnabyddiaeth Staff blynyddol
Lwfans gwyliau blynyddol hael

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.