NHSJobs.com

Trosolwg o'r swydd

Bydd deiliad y swydd yn cefnogi'r Pennaeth Caffael, a'r Timau Cyrchu Canolog i ddarparu gwasanaeth trwy wasanaeth cwsmeriaid a phrosesu archebion.   Bydd yn gyfrifol am brynu nwyddau a gwasanaethau dethol yn unol â pholisïau a gweithdrefnau Caffael drwy gael a dadansoddi dyfynbrisiau, prosesu archebion/cofnodi data yn unol â’r Gweithdrefnau Gweithredu Cyffredin (COM), ar y system archebion prynu gyfrifiadurol er mwyn cyrraedd targedau ariannol a thargedau perfformiad.  Cynorthwyo i gaffael nwyddau a gwasanaethau rheolaidd ac afreolaidd i’r Bwrdd Iechyd/Ymddiriedolaeth, gan argymell ffynonellau cyflenwi a chyfleoedd arbed i gwsmeriaid, gan sicrhau effeithlonrwydd ac arddangos gwerth am arian yn unol â Rheolau Sefydlog/Cyfarwyddiadau Ariannol Sefydlog, Cyfarwyddebau’r CE a phob deddfwriaeth berthnasol o fath arall.    Cyd-drafod gwariant nad yw'n ymwneud â Chyflogau nad yw’n cydymffurfio yn unol â Rheolau Sefydlog/SFIs a phob deddfwriaeth berthnasol arall, er mwyn sicrhau gostyngiad yn nifer y ceisiadau nad ydynt yn ymwneud â'r catalog a chynnydd yn y defnydd o gatalogau.   Cynorthwyo’r Tîm Perthynas Busnes Caffael i gyflenwi cynlluniau arbedion nad ydynt yn ymwneud â chyflogau gwella costau y Bwrdd Iechyd/ Ymddiriedolaeth.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Bydd gan yr ymgeisydd llwyddiannus brofiad o weithio mewn amgylchedd swyddfa brysur gyda dealltwriaeth o egwyddorion prynu sylfaenol, bydd yn darparu gwasanaeth cwsmeriaid effeithlon a phroffesiynol, sy'n sicrhau arbedion/manteision cost parhaus yn unol ag amcanion y timau Caffael. 

Aelod o'r Tîm, y bydd yn ofynnol iddo fabwysiadu dull hyblyg o ymdrin ag unrhyw weithgareddau a gyflawnir, a fydd yn gofyn am arfer menter, er ei fod yn gweithredu o fewn canllawiau gweithdrefnol. Cysylltu â staff ar bob lefel o fewn y sefydliadau rhanddeiliaid, staff eraill y GIG a chyflenwyr allanol. Yn meddu ar brofiad o weithio mewn swyddfa brysur, a bod yn llythrennog mewn TG

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.