NHSJobs.com

Trosolwg o'r swydd

4 x 22.5 awr yr wythnos 

 AaGIC cyffrous i 4 unigolyn ymuno â’r tîm Technegwyr Fferyllol fel Arweinwyr Rhanbarthol ar gyfer Hyfforddiant a Datblygiad Addysg Technegwyr Fferyllol.

Bydd y 4 swydd yn cefnogi Addysg a hyfforddiant Technegwyr Fferyllol ar draws De a De Orllewin Cymru gyda’r ymgeiswyr llwyddiannus yn cael eu dyrannu i un o’r byrddau iechyd canlynol

 Aneurin Bevan

Caerdydd a'r Fro | Felindre

 Cwm Taf

Bae Abertawe 

 Hywel Dda

Bydd deiliad y swydd yn teithio’n rheolaidd o fewn ei ardal bwrdd iechyd ddynodedig, a fydd yn cynnwys ymweliadau â dysgwyr, hwyluso diwrnodau astudio a chynnal asesiadau o fewn rhanbarth y bwrdd iechyd. Yn ogystal, efallai y bydd gofyniad achlysurol i gefnogi dysgwyr, digwyddiadau hyfforddi ac asesiadau o fewn rhanbarthau Byrddau Iechyd eraill gan gynnwys Bwrdd Iechyd Addysgu Powys a Gogledd Cymru a’r angen i deithio i Dŷ-Dysgu ac i Dde-ddwyrain Cymru i gefnogi digwyddiadau canolog Cymru Gyfan. .

Gan ymuno â thîm Fferylliaeth AaGIC ar adeg gyffrous i’r gweithlu Fferylliaeth, bydd deiliad y rôl yn gweithio mewn partneriaeth ar draws y proffesiwn i ddatblygu’r gweithlu TechnegwyrFferyllol a Staff Cymorth.

Bydd cyfrifoldebau’r swydd yn cynnwys, rheoli’r gwaith o ddarparu digwyddiadau hyfforddi technegwyr fferyllol a staff cymorth, cydlynu dull rhanbarthol o addysgu, hyfforddi a datblygu technegwyr fferyllol a staff cymorth a rheoli asesu a sicrhau ansawdd rhaglenni hyfforddi.

Prif ddyletswyddau'r swydd

Bydd gan yr Arweinydd Rhanbarthol ar gyfer Addysg, Hyfforddiant a Datblygiad Technegwyr Fferyllol gofrestriad proffesiynol gyda’r Cyngor Fferyllol Cyffredinol (GPhC) yn ogystal â phrofiad sylweddol o gyflwyno rhaglenni addysg a hyfforddiant.

Prif ddyletswyddau'r swydd

• Cymhwyso arbenigedd technegol a gwybodaeth asesu a sicrhau ansawdd arbenigol i reoli darpariaeth addysg, hyfforddiant a datblygiad technegwyr fferyllol a staff cymorth cyn ac ar ôl , gan gynnwys safoni a sicrhau ansawdd.
• Rheoli’r ddarpariaeth ranbarthol o ddigwyddiadau hyfforddi technegwyr fferyllol gan gynnwys safoni a sicrhau ansawdd.
• Cydlynu ymagwedd ranbarthol at addysg, hyfforddiant a datblygiad technegwyr, gan gyfrannu at ddarparu gwasanaethau gyda sicrwydd ansawdd a ddarperir gan dechnegwyr fferyllol i ddefnyddwyr gwasanaethau fferyllol.
• Gweithio mewn partneriaeth ag arweinwyr addysg, hyfforddiant a datblygu a chyflogwyr fferylliaeth i sicrhau cysondeb, safoni, a sicrwydd ansawdd rhaglenni hyfforddi technegwyr fferyllol cyn ac ôl-gofrestru ledled Cymru.
• Gweithio mewn partneriaeth â chydlynwyr fferyllol rhanbarthol i reoli’r gwaith o ddarparu a datblygu adnoddau addysg, hyfforddiant a datblygu ar gyfer technegwyr fferyllol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg neu Saesneg wneud cais.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?