Trosolwg o'r swydd

Mae hon yn swydd cyfnod penodol/secondiad tan 31/07/2025.

Os ydych chi'n gyflogai i Fwrdd Iechyd Prifysgol Hywel Dda ac yn gwneud cais am y swydd hon fel secondiad, mae angen cytundeb ar gyfer yr secondiad gan eich rheolwr presennol cyn gwneud cais.

Ar hyn o bryd, rydym yn anelu at gyflogi aelodau rhan amser  i ymuno â'n tîm arlwyo prysur yn Ysbyty Bronglais, lle bydd yn cynorthwyo i baratoi a gweini prydau bwyd i gleifion a staff bob dydd.

Byddwch hefyd yn cynorthwyo'r tîm yn y tasgau glanhau dyddiol. Efallai y bydd yna hefyd gyfle i weithio yn ystafell fwyta'r staff.

Bydd angen i'r ymgeisydd llwyddiannus fod yn unigolyn gweithgar, sy'n barod i weithio'n rhan o dîm.

Y patrymau gwaith fydd 07:00-20:00, a bydd y sifftiau hyn yn cynnwys rhywfaint o waith ar benwythnosau a thros wyliau banc. 

Prif ddyletswyddau'r swydd

Darparu Gwasanaethau Arlwyo i holl ddefnyddwyr yr adran.

Dylai'r ymgeisydd allu gweithio'n rhan o dîm a chyfathrebu'n dda â chyd-weithwyr, staff ac ymwelwyr, fel ei gilydd.

Bydd angen i chi weithio yn unol â pholisïau a gweithdrefnau'r ysbyty, a chynnal gwerthoedd yr ysbyty bob amser.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).
5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.
Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:
48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun.

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.