NHSJobs.com

Trosolwg o'r swydd

Rydym yn chwilio am unigolion brwdfrydig a llawn cymhelliant i ymuno â'n Tîm Argyfwng a Gofal Brys. 

Mae'r adran brysur yn cynnwys 2 Gilfan Dadebru, 4 Cilfan Argyfyngau Mawr, Uned Mân Anafiadau, Uned Gofal Dydd, ac Uned Penderfyniadau Clinigol o 13 o welyau.

Gall yr Adran ddarparu ymyrraeth ddynamig i'r claf sy'n ddifrifol wael neu sydd ag anafiadau difrifol. Mae ffocws y Tîm Argyfwng a Gofal Brys yn gadarn ar waith tîm a gofal cleifion, ac mae'r staff yn falch o fod yn gweithio mewn amgylchedd cefnogol amrywiol a chyfeillgar.

Mae oriau llawn amser a rhan amser amrywiol ar gael.

Prif ddyletswyddau'r swydd

Byddai'n ofynnol i'r ymgeisydd llwyddiannus feddu ar Gofrestriad y Cyngor Nyrsio a Bydwreigiaeth, darparu tystiolaeth o ddatblygiad proffesiynol, ac amlygu awydd i weithio yn yr Uned Argyfwng a Gofal Brys.

Yn ddelfrydol, bydd gan yr ymgeisydd brofiad o weithio mewn Lleoliad Gofal Acíwt; fodd bynnag, byddai cymorth a hyfforddiant llawn yn cael eu rhoi i unrhyw ymgeisydd sydd â chymhelliant i ymuno â'n tîm.

Mae Ysbyty Cyffredinol Bronglais wedi'i leoli yn nhref arfordirol Aberystwyth, ac yno hefyd y mae'r Brifysgol amlgenhedlig fywiog a Llyfrgell Genedlaethol Cymru.

Mae Ceredigion yn un o'r siroedd mwyaf hardd a chyferbyniol yn y Deyrnas Unedig. Mae'n cynnwys amrywiaeth eang o bentrefi traddodiadol a threfi glan môr, ac mae yna ddinasoedd prysur o fewn pellter gyrru, sydd hefyd yn hygyrch ar y rheilffordd. Gyda chyfleoedd i fwynhau'r awyr agored, cerdded, hwylio, hwylfyrddio neu feicio, mae gan Aberystwyth rywbeth i'w gynnig i bawb.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 22/07/2024

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.