NHSJobs.com

Trosolwg o'r swydd

Mae hon yn swydd cyfnod penodol tan 01/09/2025.

Rydym yn chwilio am ffisiolegydd cardiaidd uchel ei gymhelliant, sy'n arbenigo mewn ecocardiograffeg, i ymuno â'n tîm cyfeillgar a dynamig sy'n darparu gofal a chymorth o safon uchel i gleifion ym Mwrdd Iechyd Prifysgol Hywel Dda. 

Mae ein gwasanaethau ecocardiograffeg yn darparu technegau ecocardiograffeg drawsthorasig a thechnegau ecocardiograffeg cymhleth, megis ecocardiograffeg drawsoesoffagaidd, dotwtamin, straen ymarfer corff a chyferbyniol. Mae'r adrannau am ddatblygu'r defnydd o ecocardiograffeg 3D, gan ymgorffori hyn mewn astudiaethau arferol. 

Mae'r amserlen waith yn amrywiol, ac yn darparu gwasanaethau i gleifion mewnol, cleifion allanol, mynediad uniongyrchol i feddygon teulu, a chlinigau cardiaidd un stop. Mae'r adrannau hefyd yn cynnal clinigau i gadw gwyliadwriaeth ar falfiau a chlinigau clefyd cynhenid y galon i oedolion, ac maent yn cefnogi hyfforddiant i ecocardiograffwyr y dyfodol a'n meddygon graddfa hyfforddiant. Rydym hefyd yn cynnig ystod gynhwysfawr o 
ymchwiliadau cardiaidd mewnwthiol ac anfewnwthiol, gan gynnwys gwasanaethau rheolydd calon, profion ymarfer corff, angiograffeg, a monitro'r gallu i gerdded.

Prif ddyletswyddau'r swydd

Rhaid bod gan ymgeiswyr BSc Ffisioleg Glinigol (Cardioleg) neu gymhwyster cyfatebol, ac achrediad BSE neu achrediad cyfatebol. Dylent fod yn gymwys i gyflawni ecocardiogramau ac adrodd arnynt mewn modd annibynnol.

Mae'r swydd hon yn cynnig y cyfle i ddatblygu i fod yn arweinydd clinigol ac i ddeall y prosesau ehangach sy'n gysylltiedig â darparu'r gwasanaethau. Rydym yn ymfalchïo mewn bod â thîm amlddisgyblaethol cefnogol. Rydym yn annog ymgysylltiad agored wrth gynllunio a darparu gwasanaethau, ac yn chwilio am unigolyn sy'n awyddus i rannu gwybodaeth a syniadau mewn fforwm agored a chyfeillgar.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu.

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.