NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD TAN 31.03.2026 CWRDD GOFYNION Y GWASANAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Mae hwn yn gyfle cyffrous i weithio ym maes gofal sylfaenol yn darparu 
gwasanaeth crychguriadau'r galon newydd. Y diben yw gweld cleifion â'r 
symptomau hyn, penderfynu ar ddiagnosis, a sicrhau eu bod yn cael triniaeth a chyngor ar ffordd o fyw. Mae'r rôl glinigol yn agored i ymgeiswyr o'r Proffesiynau Perthynol i Iechyd, y Proffesiynau Gwyddor Gofal Iechyd a Nyrsio, ac mae'n cynnig cyfle cyffrous i unigolion profiadol sy'n hyderus wrth wneud diagnosis a rheoli afreoleidd-dra'r galon.

Bydd y clinigau'n cael eu darparu mewn lleoliadau gofal sylfaenol ledled Sir 
Gaerfyrddin ac mae'r gwasanaeth yn cael ei gefnogi'n gryf gan dimau'r practisau. Felly, mae'r gallu i deithio mewn modd amserol rhwng lleoliadau yn hanfodol. Darperir cymorth a goruchwyliaeth glinigol gan y tîm cymunedol afreoleidd-dra'r galon, sydd wedi'i leoli yn Ysbyty Glangwili.

Nod y gwasanaeth yw archwilio a rhoi diagnosis i gleifion sydd â symptomau sy'n awgrymu afreoleidd-dra'r galon, a thrafod a rhoi cyngor ar gynlluniau rheoli a thrin ar y cyd ag uwch-staff meddygol ac uwch-ymarferwyr. At hynny, mae'r gwasanaeth yn darparu addysg a chyngor arbenigol mewn perthynas ag adnabod afreoleidd-dra'r galon, gwneud diagnosis, a rheoli clefyd rhythm y galon.

Prif ddyletswyddau'r swydd

Mynd ati'n annibynnol i gyflawni llwyth achosion o gleifion ag anghenion cymhleth iawn, gan ddefnyddio egwyddorion seiliedig ar dystiolaeth sy’n canolbwyntio ar y cleient i ddadansoddi'n feirniadol, asesu, cynllunio, gweithredu a gwerthuso ymyriadau. Bydd hyn yn cynnwys addysg, hybu iechyd, a chymorth yn achos pob agwedd ar gynllun trin a rheoli y claf.

Cydweithredu ag aelodau eraill o'r tîm amlddisgyblaethol ledled llwybrau a 
lleoliadau gofal gwahanol i sicrhau bod anghenion gofal iechyd cleifion yn cael eu diwallu. Bydd hyn yn cynnwys gwerthuso'r gwasanaeth presennol yn barhaus a myfyrio ar eich ymarfer eich hun. 

Bod yn adnodd arbenigol i weithwyr gofal iechyd proffesiynol eraill ledled nifer o leoliadau, monitro a chefnogi gwasanaethau, a chymryd rhan yn y broses o lunio llwybrau, ymchwil addysg ac archwilio, gan hefyd fynd ati'n barhaus i feithrin a diweddaru'r wybodaeth a'r sgiliau tra arbenigol sy'n ofynnol ar gyfer y rôl.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 08/08/24

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

47 o bractisau cyffredinol (6 ohonynt yn bractisau a reolir), 45 practis deintyddol (gan gynnwys 4 orthodontig), 96 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.