NHSJobs.com

Trosolwg o'r swydd

Os ydych yn unigolyn dynamig a gofalgar a hoffai ymuno â thîm sy'n teimlo'n angerddol ynghylch darparu gofal o ansawdd uchel i'w gleifion, yna rydym am glywed gennych.

Mae gennym gyfle cyffrous ar gyfer Gweithiwr Cymorth Gofal Iechyd Band 2 rhan amser yn ein Hadran Cleifion Allanol brysur, sydd wedi’i lleoli yn Ysbyty Cyffredinol Glangwili. 

Cleifion Allanol yw drws ffrynt taith y claf i ofal iechyd wedi'i gynllunio, a'r allanfa i reolaeth iechyd lwyddiannus. Mae'r gwasanaethau Cleifion Allanol yn cynnig profiad mewn ystod eang o arbenigeddau ac mae'n amgylchedd amrywiol, amlddisgyblaethol sy'n gofyn am sgiliau hyblyg y gellir eu haddasu, y gallu i ddysgu, a'r cymhelliant i ddatblygu eich sgiliau eich hun.

Mae'r gwasanaethau Cleifion Allanol yn ymrwymedig i werthoedd y Bwrdd Iechyd, ac yn ymfalchïo mewn darparu profiad cadarnhaol i gleifion o ran y modd yr ydym yn rhoi gwerth ar ein cleifion yn y cymunedau yr ydym yn gweithio ynddynt.

Prif ddyletswyddau'r swydd

Bydd yr ymgeisydd llwyddiannus yn flaengar ac yn cwmpasu gwerthoedd y Bwrdd Iechyd yn llawn yn ei waith. Bydd arnoch angen sgiliau cyfathrebu rhagorol a'r gallu i fod yn eiriolwr ar gyfer cleifion. 

Mae hon yn swydd rhan amser am 30 awr yr wythnos. Ar hyn o bryd, mae'r gwasanaeth yn weithredol o ddydd Llun i ddydd Gwener ac mae'r oriau'n amrywio rhwng 8yb - 6yh, ynghyd ag ambell glinig gyda'r nos tan 8yh.

Byddwch yn gweithio'n rhan o'r tîm nyrsio yn cyflawni ystod o ddyletswyddau i sicrhau bod y broses o ddarparu clinigau yn rhedeg yn esmwyth. Byddwch yn ymgymryd ag ystod o arsylwadau/profion clinigol sy'n ofynnol ar gyfer clinigau amrywiol.

Bydd gofyn i chi hefyd fod yn hebryngwr yn ystod ymgyngoriadau, a chynorthwyo clinigwyr i ddarparu triniaethau.

Byddwch yn helpu i gynnal safonau uchel o lendid a sicrhau bod polisïau rheoli heintiau yn cael eu dilyn. 

Rhoddir hyfforddiant llawn a sesiynau cynefino i'r ymgeisydd llwyddiannus. 

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais. 

Cyfweliadau i'w cynnal ar 12/7/24

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.